PROBERB 15:27 - Khasi CL Bible (BSI)

²⁷ Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

KA BAIBL

²⁷ Uba khwan myntoi u pynshitom ïa la ka jong ka ïing: hynrei, uta uba isih ïa ki jingai, un im.

PROBERB 15:27 ပူးပေါင်းရင်းမြစ်များ

1 SYIEM 2:40

Haba u Shimei u ïohsngew ba ki don ha Gath, u la teh jin ïa la ka kada bad u la leit sha u Syiem Akhish ha Gath, ban wad ïa la ki mraw. U la lap ïa ki bad u wan ïalam pat ïa ki sha ïing.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

EKSODOS 18:21

Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

PROBERB 1:19

Ka jinglute borabor ka shim noh ïa ka jingim jong u nonglute — kane ka dei kaba ju jia ha uno uno uba im da ka jingleh jubor.

PROBERB 11:19

Uno uno uba kut jingmut ban leh ïa kaba dei un im, hynrei uno uno uba ïai beh ban leh ïa kaba sniew un ïap.

PROBERB 11:29

Kito kiba wanrah jingeh ha la ki longïing kin ym don ei ei ha kaba kut. Ki briew kiba bieit kin long borabor ki shakri jong kiba stad.

PROBERB 15:26

U Trai u isih ïa ki jingpyrkhat kiba sniew, hynrei u sngewbha ha ki ktien kiba sngur jingmut.

PROBERB 20:21

Kaba ïoh ïa ka spah da kaba suk eh, tang khyndiat eh kan pynbha ïa phi.

PROBERB 23:4

To long uba stad bha ym ban ym pyrshang ban pynpaw ïa lade ban ïoh spah.

PROBERB 28:16

U nongsynshar uba khlem ka jingshemphang un long u nonglehbeiñ uba runar. Uta uba isih ïa ka jingbymhok un synshar slem.

PROBERB 28:25

Ka jingkhapnap ka pynmih tang ka jingjynjar. Phi long kham bha ban shaniah ha U Trai.

PROBERB 29:4

Haba u syiem u pyrkhat khia ïa ka jingbishar hok, ka ri kan long kaba khlaiñ, hynrei haba u pyrkhat khia tang ïa ka pisa, un pynjot ïa ka ri jong u.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

DEUTERONOMI 7:26

Wat rah ïa kano kano ka bleithaw sha la ïing ïoh ba kajuh ka jingtim kan ngat sa ha phi ruh. Phi dei ban isih bad ibeiñ ïa kine ki bleithaw, namar ki long kiba la tim da U Trai.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

1 TIMOTHI 6:9

Hynrei kito kiba kwah ban riewspah ki hap ha ka jingpynshoi bad ki ngat ha ka jingriam jong ki jingkwah ba-bieit bad ki jingkwah ba-pynmynsaw, kiba tan ïa ki sha ka jingjot bad ka jingpynjot.

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”