PROBERB 15:25 - Khasi CL Bible (BSI)

²⁵ U Trai un pynjot ïa ki longïing jong ki briew kiba sarong, hynrei un ïada ïa ki jingdon jingem jong ka riewkynthei.

KA BAIBL

²⁵ U Trai un jynrat noh ïa ka ïing jong uba sarong: hynrei, un pynskhem ïa ka pud jong ka riewkynthei.

PROBERB 15:25 ပူးပေါင်းရင်းမြစ်များ

Ka Kitab U Job 24:21

Kata ka jia namar u la lehbeiñ ïa ki riewkynthei bad um ju pyn-i jingsbun ïa ki kynthei ki bym don khun.

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 146:9

U ïada ïa ki nongwei kiba shong basah ha ka ri jong ngi; u ïarap ïa ki riewkynthei bad ki khunswet, hynrei u leit lam ïa ki bymman sha ka jingjot jong ki.

SALM 52:1

Balei ba me sngewmeng, ko me uba khraw, ïa ki jingbymman jong me? Ka jinglong baïaineh jong U Blei ka neh junom.

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

PROBERB 12:7

Ki bymman ki ïakynduh ïa la ka jingkyllon noh bad ym don ba mih pateng na ki, hynrei ki longïing jong kiba hok ki ïai im pateng.

PROBERB 14:11

Ka ïing jong u briew uba bha kan dang ïeng hi hadien ba la pynjot ïa ka ïing jong u nongleh ïa kaba sniew.

PROBERB 15:26

U Trai u isih ïa ki jingpyrkhat kiba sniew, hynrei u sngewbha ha ki ktien kiba sngur jingmut.

PROBERB 23:10

Wat pynkynriah ïa u mawpud uba rim lane knieh ïa ka khyndew ba long trai da ki khunswet.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

DEUTERONOMI 19:14

“Ynda phi ïohkynti ïa kata ka ri ba U Trai U Blei jong phi u ai ha phi, wat pynkynriah ïa u mawpud jong u paramarjan jong phi ïa uba la thung naduh mynbarim.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”