PROBERB 15:21 - Khasi CL Bible (BSI)

²¹ Ki briew kiba mutlop ki kmen ha la ka jingbieit, hynrei kiba stad kin leh ïa kaei kaba dei.

KA BAIBL

²¹ Ka jingbieit ka long ka jingkmen ïa uba suda ka jingstad: hynrei, u briew u bashemphang u pynlong kaba beit ïa la ka lynti.

PROBERB 15:21 ပူးပေါင်းရင်းမြစ်များ

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 111:10

Ka lynti ban long uba stad ka long ban pyndonburom ïa U Trai; u ai ka jingbishar kaba beit ïa baroh kiba kohnguh ïa ki hukum jong u. U long uba dei ban ïaroh junom.

PROBERB 10:23

Ka long kaba bieit ban sngewtynnat haba leh bymdei. Ki briew kiba stad ki sngewbha ha ka jingstad.

PROBERB 11:12

Ka long bieit ban krenbeiñ ïa kiwei. Lada phi long uba sngewthuh, phin shu sngap jar jar.

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 14:8

Balei ba u briew uba sian u stad? Namar u tip ïa kaei ban leh. Balei ba u briew ba-mutlop u bieit? Namar ba u shu pyrkhat ba u tip.

PROBERB 14:9

Ki briew kiba bieit kim suidñiew lada ki leh pop, hynrei ki briew kiba beit ki kwah ban ïohmap.

PROBERB 15:22

Lum ïa ki jingai jingmut baroh katba phi lah, bad phin jop; khlem kata phin shahjop.

PROBERB 4:25

Peit beit sha khmat da ka jingsngewskhem kaba hok; wat pyndem ïa la ka khlieh ha ka jinglehrain.

PROBERB 4:26

Da pyrkhat bha aïu phi leh, bad kat kaba phi leh kan long bha.

EPHESOS 5:15

Kumta da sumar kumno phi im. Wat im kum ki briew kiba bieit, hynrei, kum ki briew kiba stad.

JAKOB 3:13

Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.