PROBERB 15:20 - Khasi CL Bible (BSI)

²⁰ Ki khun kiba stad ki pynlong ïa ki kpa jong ki ban kmen. Tang kiba bieit ki ñiewbeiñ ïa la ki kmie.

KA BAIBL

²⁰ U khun u bastad u pynlong uba kmen ïa u kpa: hynrei, u briew u babieit u ñiewbeiñ ïa la ka kmie.

PROBERB 15:20 ပူးပေါင်းရင်းမြစ်များ

1 SYIEM 1:48

Nangta u Syiem Dabid u dem ngon ha ka jingmane ha la ka jingthiah bad u duwai, ‘To ngin ïaroh ïa U Trai, U Blei ki Israel, uba ha kane ka sngi u la pynlong syiem hadien jong nga ïa uwei na ki khun ki ksiew jong nga, bad ba u la shah ïa nga ban ïohi ïa kata!’ ”

1 SYIEM 2:9

Hynrei mem dei ban shah ïa u ban lait khlem ka jingpynshitom. Me tip kaei ba men leh, bad me dei ban khmih ba u dei ban shah pynïap.”

1 SYIEM 5:7

U Hiram u la kmen shaba palat haba u ïohpdiang ïa ka khubor na u Solomon, bad u ong, “Ïaroh ïa U Trai ha kane ka sngi ba u la ai ha u Dabid ïa u khun uba stad kum une ban long u syiem hadien jong u ïa kata ka jaitbynriew bakhraw!”

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

PROBERB 10:1

Kine ki long ki proberb u Solomon: U khun uba stad u pynsngew sarong ïa la u jong u kpa; uba bieit u wallam ka jingsngewsih ïa la ka kmie.

PROBERB 13:1

Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

PROBERB 15:19

Lada phi jaipdeh, phin ïakynduh ïa ka jingeh kylleng, hynrei haba phi long uba trei minot, phin ym shem jingeh.

PROBERB 23:22

To shahshkor ïa la u kpa; khlem ma u phin ym ïoh jingim. Haba ka kmie ka la tymmen, pyn-i ha ka ïa ka jingïaroh jong phi.

PROBERB 23:24

U kpa jong u briew uba hok u don ka daw babiang ban kmen. Phi lah ban sngewsarong ha u khun uba stad.

PROBERB 29:3

Lada phi ïaroh ïa ka jingstad, u kpa jong phi un sngewsarong ïa phi. Ka long ka jingpynlehnoh-ei ba-bieit ban pynlut pisa ha ki nuti.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

LEBITIKOS 19:3

Uwei pa uwei na phi u dei ban burom ïa la ka kmie bad ïa la u kpa, bad u dei ban rakhe ïa ka Sabbaton, kumba nga la hukum. Nga long U Trai U Blei jong phi.

PHILIPPI 2:22

Bad phi hi phi tip, kumno u la pynshisha ïa ka jingkordor jong u, kumno ma u bad ma nga, kum u khun bad u kpa jong u, ngi la ïatreilang na ka bynta ka gospel.