PROBERB 15:17 - Khasi CL Bible (BSI)

¹⁷ Ka kham bha ban bam ïa ki jhur bad ki briew kiba ieit ïa phi ban ïa kaba bam ïa ka doh kaba bha tam ha kaba don ka jingpihuiñ.

KA BAIBL

¹⁷ Lah kaba shi sien bam da u jhur haba don ka jingieit, ban ïa u masi ba la pynsngaid haba don ka jingshun bad u.

PROBERB 15:17 ပူးပေါင်းရင်းမြစ်များ

PROBERB 16:8

Ka kham bha ban don khyndiat, kaba la kamai da ka hok, ban ïa kaba ïoh shibun, ba la lum da ka jingbymhok.

PROBERB 17:1

Ka kham bha ban bam ïa u kpu ba la tyrkhong lem bad ka jingsuk mynsiem ban ïa kaba bam khawai ha ka ïing kaba dap da ki jingjynjar.

PROBERB 21:19

Ka kham bha bashong ha ka ri shyiap ban ïa kaba bad ka tnga kaba bunktien bad ïai thnum.

EKLESIASTIS 4:6

Ka lah ban long kumta, hynrei ka long kaba kham bha ban don tang khyndiat, bad ka jingpalei jingmut, ban ïa kaba bunkam shi lynter da ki kti baroh ar tylli, da kaba pyrshang ban kem ïa ka lyer.

MATHAÏOS 22:4

Kumta u la phah ïa kiwei pat ki shakri lem bad kane ka khubor ïa ki nongshahkhot sngewbha: ‘La dep khreh ïa ka jingkhawai jong nga mynta, la dep shohdoh ïa ki masi dab bad ïa ki khun masi bakynsai jong nga, bad la khreh ïa kiei kiei baroh. To ale sha ka jingkhawai shongkurim!’

LOUKAS 15:23

Nangta khie leit bad shim ïa u khun masi uba la pynsngaid bha bad pynïap ïa u, bad to ngin ïalehkmen da ka jingkhawai!

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.