PROBERB 15:12 - Khasi CL Bible (BSI)

¹² Ki briew kiba meng kim sngewtynnat ban shah sneng; kim ju pan ïa ki jingai jingmut na kito kiba kham stad.

KA BAIBL

¹² U nongrkhiebeiñ um ieit ban ïoh jingsneng: un ym leit sha u bastad.

PROBERB 15:12 ပူးပေါင်းရင်းမြစ်များ

2 KHRONIKL 18:7

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u namar um ju ïathuhlypa kaba bha ïa nga; ka ju long borabor kaei kaei kaba sniew.” “Phim dei ban ong kumta!” u Jehoshaphat u jubab.

Ka Kitab U Job 21:14

Ki bymman ki ong ïa U Blei ba un ieh ïa ki ha la ka mon jong ki; kim kwah ban tip ïa ka mon jong u ha ka jingim jong ki.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 13:1

Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

PROBERB 14:6

Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

AMOS 5:10

Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

2 TIMOTHI 4:3

Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.