PROBERB 14:33 - Khasi CL Bible (BSI)

³³ Ka jingstad ka don ha ki jingmut jingpyrkhat jong ki briew kiba stad; kiba bieit kim tip ei ei shaphang ka jingstad.

KA BAIBL

³³ Ka jingstad ka shong ha ka dohnud uta uba don ka jingshemphang: hynrei, ïa kata kaba ha ka kpoh ki babieit, la ju pynpaw.

PROBERB 14:33 ပူးပေါင်းရင်းမြစ်များ

PROBERB 12:16

Haba uba bieit u phoi, u pynpaw kumne kumne ba yn tip. Ki briew kiba sian kim patiaw ïa ka jingshah krenbeiñ.

PROBERB 12:23

Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

PROBERB 13:16

Ki briew kiba sian, borabor ki pyrkhat ha shuwa ban leh ïa kano kano, hynrei ki briew kiba mutlop ki thad ïa la ka jingbieit.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 14:34

Ka hok ka kyntiew ïa ka jaitbynriew; ka pop ka long ka jingjahburom jong kano kano ka jaitbynriew.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 15:28

Ki briew kiba bha ki pyrkhat ha shuwa ban jubab. Ki briew kiba sniew ki kloi ban jubab, hynrei ka wallam jingeh.

PROBERB 2:10

Phin sa long uba stad, bad ka jingtip jong phi kan ai jingkmen ïa phi.

PROBERB 29:11

Ki briew kiba bieit ki pynpaw ïa la ka jingbitar ha kaba paw, hynrei ki briew kiba shemphang ki ïaishah bad ki set khop ïa ka.

EKLESIASTIS 10:3

Ka jingmutlop jong u ka paw wat ha ki nongwei kiba u ïakynduh ha ka lynti; u ailad ïa iwei pa iwei ban tip ba u dei u bieit.