PROBERB 14:31 - Khasi CL Bible (BSI)

³¹ Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

KA BAIBL

³¹ Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

PROBERB 14:31 ပူးပေါင်းရင်းမြစ်များ

Ka Kitab U Job 24:4

Ki khanglad ïa kiba duk ba kin ïoh ïa ki hok jong ki bad pynbor ïa kiba kyrduh ban phet rieh.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 17:5

Lada phi rkhiebeiñ ïa ki briew kiba duk, phi ñiewbeiñ ïa U Blei uba la thaw ïa ki. Phin shah pynshitom lada phi leh sngewbha ha ka apot jongno jongno.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 22:16

Lada phi ai sngewbha sha ki briew kiba riewspah lane banbeiñ ïa kiba duk ban ïoh riewspah, phin long uba duk ïa lade.

PROBERB 22:2

Kiba riewspah bad kiba duk ki don ïa kane kajuh, U Trai u pynlong ïa ki baroh ar.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

LEBITIKOS 25:17

Wat shukor ïa la u para Israel, hynrei kohnguh ïa U Trai uba U Blei jong phi.

LEBITIKOS 25:35

Lada uno uno u para Israel uba shong marjan bad phi u kylla duk bad um lah shuh ban kyrshan hi ïa lade, phi dei ban ïarap ïa u kumba phi leh ïa u nongtrei, khnang ba u lah ban ïailong u paramarjan jong phi.

ÏOANNIS 12:8

Phin don borabor ki briew kiba duk lem bad phi, hynrei phin ym ïoh borabor ïa nga.”

DEUTERONOMI 24:14

“Wat shukor ïa u shakri uba bylla, uba duk bad uba kyrduh, la u dei u para Israel lane u nongwei uba shong ha ki shnong jong phi.

1 ÏOANNIS 4:21

Ka hukum kaba U Khrist u la ai ha ngi ka long kane: Uno uno uba ieit ïa U Blei u dei ban ieit ïa la u parabriew ruh.