PROBERB 14:30 - Khasi CL Bible (BSI)

³⁰ Ka jingmut jingpyrkhat kaba suk ka pynlong ïa ka met ka bakoit bakhiah, hynrei ka jingpihuiñ ka long kum ka jingpang bampong.

KA BAIBL

³⁰ Ka dohnud kaba khiah ka long jingim ïa ka doh: hynrei, ka jingbishni ka pynpyut ïa ki shyieng.

PROBERB 14:30 ပူးပေါင်းရင်းမြစ်များ

1 SYIEM 21:6

U jubab, “Namar ïa kaei kaba u Naboth u ong ïa nga. Nga la tyrwa ban thied ïa ka bri sohwaiñ jong u, lane, lada u sngewdei, ban ai ïa u da kawei pat ha ka jaka jong ka, hynrei u ong ïa nga ba ngam lah ban ïoh ïa ka!”

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

SALM 112:10

Ki bymman ki ïohi ïa kane bad ki bitar; u peit bitar ha ka jingisih bad ki jah noh; ka jingkyrmen jong ki ka duh noh junom.

SALM 119:80

Ai ba ngan kohnguh janai ïa ki hukum jong me, ba ngan lait na ka jinglehrain ka jingshahjop.

PROBERB 12:4

Ka tnga kaba bha ka long ka jingsarong bad jingkmen jong u tnga jong ka; hynrei ka tnga kaba pynlehrain ïa la u tnga ka long kum ka jingpang bampong ïa ki shyieng jong u.

PROBERB 15:13

Haba ki briew ki kmen, ki phuh samrkhie, hynrei haba ki sngewsih, ki pyn-i jingsngewdiaw.

PROBERB 17:22

Kaba dap da ka jingkmen ka pynlong ïa phi ban shait ban khlaiñ. Ban sngewdiaw man ka por ka long ka jingïap suki pa suki.

PROBERB 3:8

Lada phi leh kumta, kan long kum ka dawai kaba bha, kaba pynkoit ïa ki jingmong jong phi bad pynjem ïa ki jingpang jong phi.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

KI KAM 7:9

“Ki khun shynrang jong u Jakob ki la bishni ïa u Joseph u para jong ki bad ki la die ïa u ban long u mraw ha Ijipt. Hynrei U Blei u la don lem bad u bad u la pyllait ïa u na ki jingjynjar jong u baroh.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

JAKOB 4:5

Wat pyrkhat ba kam don ka jingshisha ha ka Jingthoh Bakhuid kaba ong, “Ka mynsiem kaba U Blei u la buh hapoh jong ngi ka dap da ki jingkwah kiba jur.”