PROBERB 14:21 - Khasi CL Bible (BSI)

²¹ Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

KA BAIBL

²¹ Uta uba ñiewbeiñ ïa la u paramarjan u leh pop: hynrei, uba isynei ïa u baduk, suk uta keiñ.

PROBERB 14:21 ပူးပေါင်းရင်းမြစ်များ

SALM 112:5

Suk uta u briew uba sbun ha ka jingairam jong u, uba pynïaid hok ïa ka kam khaïi jong u.

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 22:24

Um shym leh klet ïa kiba duk lane leh bymsuidñiew ïa ki jingshitom jong ki; um shym phai lyndet na ki, hynrei u jubab haba ki pan jingïarap.”

PROBERB 11:12

Ka long bieit ban krenbeiñ ïa kiwei. Lada phi long uba sngewthuh, phin shu sngap jar jar.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 17:5

Lada phi rkhiebeiñ ïa ki briew kiba duk, phi ñiewbeiñ ïa U Blei uba la thaw ïa ki. Phin shah pynshitom lada phi leh sngewbha ha ka apot jongno jongno.

PROBERB 18:3

Ka pop bad ka jinglehrain ki ïaid lang. Pynjah noh ïa ka burom jong phi, bad phin ïoh ïa ka jingshah krenbeiñ ha ka jaka jong ka.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 21:10

Ki briew ba-bymman ki kwah borabor ïa kaba sniew; kim don jingisynei ïano ïano ruh.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

PROBERB 28:27

Ai ha kiba duk bad phin ym don ha ka jingkyrduh lano lano ruh. Lada phi khapbrip la ki khmat sha kiba duk, ki briew kiba bun kin tim ïa phi.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

LOUKAS 18:9

U Jisu u la ïathuh ruh ïa kane ka pharshi ha ki briew kiba la sngewthikna ïa la ka jingbha jong ki hi bad kiba ñiewbeiñ ïa baroh kiwei pat.

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.