PROBERB 14:2 - Khasi CL Bible (BSI)

² Long kiba beit bad phi pyn-i ba phi don ka jingtiengburom ïa U Trai; long kiba kynriang bad phi pyn-i ba phim don ïa kata.

KA BAIBL

² Uta uba ïaid ha la ka jingbeit u sheptieng ïa U Trai: hynrei, uta uba mutlop ha la ki lynti u ñiewbeiñ ïa u.

PROBERB 14:2 ပူးပေါင်းရင်းမြစ်များ

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

1 SYIEM 3:6

U Solomon u jubab, “Me la ju ïai pynpaw ka jingieit bakhraw ïa u Dabid, u kpa jong nga, u shakri jong me, bad u la long uba bha, uba ïaineh, bad uba hok ha ka jingïadei jong u bad me. Bad me la ïai bteng ban pyn-i ha u ïa ka jingieit bakhraw bad baneh skhem da kaba ai ha u ïa u khun uba mynta u synshar ha ka jaka jong u.

2 SYIEM 17:34

Ki dang ïai leh hi ïa la ki rukom barim haduh kane ka sngi. Kim shym mane ïa U Trai lane kohnguh ïa ki aiñ bad ki hukum kiba u la ai ha ki khun ki ksiew u Jakob, ïa uba u pynkyrteng u Israel.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 12:4

Wat ki paralok jong nga ki rkhie ïa nga mynta; ki rkhie, wat la nga long uba hok bad u bym shah kynnoh pop; hynrei ka don ka por mynba U Blei u jubab ïa ki jingduwai jong nga.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 112:1

A to ïaroh ïa U Trai! Suk uta u briew uba pyndonburom ïa U Trai, uba shem sngewbha ha kaba kohnguh ïa ki hukum jong u.

SALM 25:21

Ai ba ka jingbha bad ka hok jong nga kin ïada ïa nga, namar nga shaniah ha me.

PROBERB 11:12

Ka long bieit ban krenbeiñ ïa kiwei. Lada phi long uba sngewthuh, phin shu sngap jar jar.

PROBERB 16:17

Kito kiba bha ki ïaid na ka lynti kaba lait na kaba sniew; te khmih shano ba phi leit — ka lah ban pyllait ïa ka jingim jong phi.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 19:1

Ka kham bha ban long uba duk hynrei uba beit ban ïa kaba long u bieit uba shukor.

PROBERB 2:15

ki briew kiba kynriang ki bym lah ban shaniah.

PROBERB 28:6

Ka kham bha ba duk bad ba long hok ban ïa kaba riewspah bad ïaid kynriang.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 10:35

Kito kiba mane ïa u bad kiba leh ïa kaba dei ki long kiba la pdiang sngewbha da u, kam pher na kano ka jaitbynriew ki long.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.