PROBERB 14:14 - Khasi CL Bible (BSI)

¹⁴ Ki briew kiba sniew kin ïoh ïa kaei kaba ki dei ban ïoh. Ki briew kiba bha kin ïoh bainong na ka bynta ki kam jong ki.

KA BAIBL

¹⁴ Uba kylla dien ha ka dohnud yn pyndap ïa u da la ki jong ki lynti: bad ïa u briew u babha yn pynkdang na u hi.

PROBERB 14:14 ပူးပေါင်းရင်းမြစ်များ

SALM 109:17

U la ieit ban tim — ai ba yn tim ïa u! U la isih ban ai ki jingkyrkhu — ai ba yn ym don mano mano u ban kyrkhu ïa u!

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 12:21

Ym don kaba sniew kaba jia ha ki briew kiba hok, hynrei ki bymman kim don ei ei tang ka jynjar suda.

PROBERB 14:10

Ka jingkmen jong phi ka long ka jong phi hi; ka jingkthang jong phi ka long ka jong phi hi. Ym don uba lah ban ïasam ïa ki bad phi.

PROBERB 14:15

Uba bieit un ngeit ïa kaei kaei baroh; ki briew kiba sian ki da khmih ïa la ka jingjam.

PROBERB 18:20

Phin hap ban im lem bad ki soh kiba mih na baroh kaba phi kren.

PROBERB 9:12

Dei ma phi ban ïoh ïa ka jingmyntoi, lada phi don ka jingstad, bad lada phi kyntait ïa ka, phi hi phin shem jynjar.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

ESEKIEL 22:31

Te ngan theh ïa ka jingbitar jong nga ha ki, bad kum ka ding ngan pynjot ïa ki na ka bynta kaei kaba ki la leh.” U Trai Nongsynshar u la ong.

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

GALATIA 6:4

Uwei pa uwei u dei ban bishar ïa la ka jong ka jingleh. Lada ka long kaba bha, te u lah ban sngewsarong ïa kaei kaba ma u da lade u la leh, khlem da ïanujor ïa ka bad kaei kaba kiwei ki la leh.

GALATIA 6:8

Lada u bet ha ka lyngkha jong ki jingkwah brai ka doh jong u, na ka un lum ïa ka jingot ka jingïap; lada u bet ha ka lyngkha U Mynsiem, na U Mynsiem un lum ïa ka jingot jong ka jingim bymjukut.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.