PROBERB 13:5 - Khasi CL Bible (BSI)

⁵ Ki briew kiba hok ki isih ïa kaba lamler, hynrei ki ktien jong ki briew kiba bymman ki long ka jinglehrain bad jingjahburom.

KA BAIBL

⁵ U briew u bahok u isih ïa kaba lamler: hynrei, u briew bymman u long uba isih, bad un poi sha kaba lehrain.

PROBERB 13:5 ပူးပေါင်းရင်းမြစ်များ

SALM 119:163

Nga isih bad ijli ïa ki jinglamler baroh; hynrei nga ieit ïa ka aiñ jong me.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 18:3

Ka pop bad ka jinglehrain ki ïaid lang. Pynjah noh ïa ka burom jong phi, bad phin ïoh ïa ka jingshah krenbeiñ ha ka jaka jong ka.

PROBERB 3:35

Ki briew kiba stad kin nang ïoh ka nam ka burom, hynrei ki briew kiba mutlop kin nang mad ka jingjahburom.

PROBERB 30:8

Pyllait ïa nga na ka jingshukor bad shah ïa nga ban ym riewspah lane duk. Kumta ai ïa nga ka jingbam kat ban biang ïa nga.

EKLESIASTIS 3:8

U buh ka por ban ieit bad ka por ban isih, ka por ïa ka thma bad ka por ïa ka jingsuk.

ESEKIEL 20:43

Te phin kynmaw ïa baroh kiei kiei kiba jahburom kiba phi la leh bad kumno phi la pyntngit ïa lade. Phin sa isih ïa lade namar kiei kiei kiba sniew baroh kiba phi la leh.

ESEKIEL 36:31

Phin sa kynmaw ïa ki jingleh bymman jong phi bad ïa ki jingbakla ba phi la leh, bad phin sa isih ïa lade namar ki pop jong phi bad ki jingleh palat jong phi.

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

NONGBISHAR 16:11

U jubab, “Lada ki khum ïa nga da ki tyllai kiba thymmai ki bym pat la ju pyndonkam, ngan long uba tlot bor kumba long lem kiwei.”