PROBERB 13:21 - Khasi CL Bible (BSI)

²¹ Ka jingjynjar ka buddien ïa ki nongpop kylleng, hynrei ki briew kiba hok kin ïoh bainong da kiei kiei kiba bha.

KA BAIBL

²¹ Ka jingsniew ka beh nadien ki bapop: hynrei, ïa u bahok, yn ai nong da ka babha.

PROBERB 13:21 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

SALM 140:11

Ai ba kito kiba pharep bymdei ïa kiwei kin ym jop; ai ba kaba sniew kan lap ïa ki briew kiba leh jubor bad pynjot ïa ki.

SALM 32:10

Ki bymman kin shahshitom, hynrei ïa kito kiba shaniah ha U Trai yn ïada ïa ki da ka jingieit baneh jong u.

SALM 54:5

To ai ba U Blei un pyndonkam ïa ki kam sniew jong ki hi ban pynshitom ïa ki nongshun jong nga. Un pynjot ïa ki namar u long uba ïaineh.

PROBERB 11:31

Kito kiba bha ki ïoh bainong hangne ha pyrthei, te phi lah ban thikna ba ki bymman bad ki briew kiba pop kin shah pynshitom.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

PROBERB 17:13

Lada phi siew kylliang ïa kaba bha da kaba sniew, da lei lei phin ym lah ban beh ïa kaba sniew na ka ïing jong phi.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

ISAÏAH 47:11

Ka jingjot kan wan ha pha, bad yn ym don na ki kam myntor jong pha ki ban lah ban pynsangeh ïa ka. Ka jingpynjot kynsan kynsan kan wan halor jong pha, ka jingpynjot kaba pham pat ju phohsniew!

ESEKIEL 7:5

Kane ka long kaba U Trai Nongsynshar u ong: “Kawei ka jingjynjar hadien kawei pat kan wan ha pha.

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

KI KAM 28:4

Ki traishnong ki la ïohi ïa u bseiñ ba u sdien ha ka kti jong u Paul bad ki la ïa-ong para ma ki, “Une u briew u dei u nongpynïap briew, hynrei, ka kupar kan ym shah ïa u ban im, wat la u la lait im na ka duriaw.”