PROBERB 13:18 - Khasi CL Bible (BSI)

¹⁸ Kino kino ki bym kwah ban shah hikai kin ïailong kiba kyrduh. Hynrei uno uno uba sngap ïa ka jingpynbeit u long ba la ñiewkor.

KA BAIBL

¹⁸ Ka jingkyrduh bad ka jinglehrain kan long ïa uba kyntait ïa ka jingsneng: hynrei, uba ñiewkor ïa ka jingsneng yn pyndonburom ïa u.

PROBERB 13:18 ပူးပေါင်းရင်းမြစ်များ

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

PROBERB 12:1

Kino kino kiba ieit ïa ka jingtip ki kwah ban don ba pynong haba ki bakla. Ka long ka jingbieit ban isih haba don ba pynbeit.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

PROBERB 13:19

Katno ka long kaba sngewtynnat ban ïoh ïa kaei kaba phi kwah! Ki briew kiba mutlop ki kyntait ban phai noh na kaba sniew.

PROBERB 13:25

Kiba hok ki don kyrhai ban bam, hynrei ki bymman ki shahthngan borabor.

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 19:6

Baroh ki pyrshang ban shem sngewbha bad ki briew kiba khraw; baroh ki kob ïa ka jingïadei paralok bad kito kiba lah ban pynsngewbha.

PROBERB 25:12

Ka jingmaham ba ai da u briew uba shemphang bha ha uno uno uba mon ban sngap ka long kaba kham kordor ban ïa ki sati ksiar ne ki jingdeng mawlynnai ba la saiñ na ka ksiar banylla.

PROBERB 9:9

Kano kano kaba phi kren ïa u briew uba stad, kan pynlong ïa u ban nang kham stad. Kano kano kaba phi kren ha u briew uba hok kan nang pynroi ïa ka jingtip jong u.

EKLESIASTIS 7:5

Ka kham bha ban don ki briew kiba stad kiba sneng ïa phi ban ïa kaba don ki briew kiba tasngeng kiba rwai ki jingïaroh ïa phi.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.