PROBERB 13:12 - Khasi CL Bible (BSI)

¹² Haba shah khñiot ka jingkyrmen, ka dohnud ruh ka shah khñiot, hynrei ka jingurlong jong ka jingkhmih lynti ka pyndap ïa phi da ka jingkmen.

KA BAIBL

¹² Ka jingkyrmen ba la pyntud ka pynpang ïa ka dohnud: hynrei, haba ka jingkwah ka la poi ka long u dieng ka jingim.

PROBERB 13:12 ပူးပေါင်းရင်းမြစ်များ

JENESIS 46:30

U Jakob u ong ha u Joseph, “Mynta nga la kloi lada ïap noh ruh, namar ba nga la ïohi ïa me bad tip ba me dang im.”

NEHEMAÏAH 2:2

kumta u ong, “Balei ba me imat sngewsih? Mem shym pang, ka lah ban long ba me don jingsngewsih.”

SALM 143:7

To jubab ïa nga mynta, A Trai! Nga la duh baroh ka jingkyrmen. To wat buhrieh ïa lade na nga, ïoh ngan long hapdeng kito kiba leit hiar sha ka pyrthei kiba ïap.

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 69:3

Nga la thait ïan na ka jingkyang ban ïoh jingïarap, bad u pdot jong nga u pang. Nga la pynlwait ïa ki khmat jong nga, da kaba khmih jingïarap na me.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

PROBERB 13:11

Ka jingïoh ïa ka spah da kaba suk eh, ka jinglut noh jong ka ruh ka long kaba kloi eh. Kaba kham eh ban ïoh ïa ka, kaba kham roi ruh ka jingïoh ïa ka.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

PROBERB 13:19

Katno ka long kaba sngewtynnat ban ïoh ïa kaei kaba phi kwah! Ki briew kiba mutlop ki kyntait ban phai noh na kaba sniew.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

JINGRWAI SOLOMON 5:8

To kular ïa nga, ko ki kynthei Jerusalem, ba lada phi shem ïa uba ieit jong nga, phin ïathuh ïa u ba nga tlot na ka jingkwah palat.

ÏOANNIS 16:22

Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.