PROBERB 13:1 - Khasi CL Bible (BSI)

¹ Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

KA BAIBL

¹ U khun u bastad u sngap ïa ka jinghikai u kpa jong u: hynrei, u nongrkhiebeiñ um sngap ïa ka jingsneng.

PROBERB 13:1 ပူးပေါင်းရင်းမြစ်များ

1 SYIEM 22:43

Kum u Asa u kpa jong u, uba ha shuwa jong u, u la leh ïa kaei kaba dei ha khmat U Trai; hynrei ïa ki jaka mane blei thala ym shym la pynjot, bad ki briew ki ïai bteng ban ai jingkñia bad thang jingiwbih hangta.

PROBERB 10:1

Kine ki long ki proberb u Solomon: U khun uba stad u pynsngew sarong ïa la u jong u kpa; uba bieit u wallam ka jingsngewsih ïa la ka kmie.

PROBERB 12:15

Ki briew kiba mutlop borabor ki pyrkhat ba ki leh ïa kaba dei. Ki briew kiba stad ki shahshkor ïa ki jingpyn-i lem.

PROBERB 14:6

Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 15:12

Ki briew kiba meng kim sngewtynnat ban shah sneng; kim ju pan ïa ki jingai jingmut na kito kiba kham stad.

PROBERB 15:20

Ki khun kiba stad ki pynlong ïa ki kpa jong ki ban kmen. Tang kiba bieit ki ñiewbeiñ ïa la ki kmie.

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 7:24

Te mynta, ko ki khun jong nga, sngap ïa nga. Pynleit jingmut ïa kaei kaba nga ong.

1 SAMUEL 2:25

Lada u briew u leh pop pyrshah ïa la u parabriew, U Blei u lah ban ïasaid na ka bynta jong u; hynrei mano ba lah ban ïasaid na ka bynta u briew uba leh pop pyrshah ïa U Trai?” Hynrei kim shym sngap ïa la u kpa, naba U Trai u la thmu ban pynïap ïa ki.