PROBERB 12:8 - Khasi CL Bible (BSI)

⁸ Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

KA BAIBL

⁸ Ïa u briew yn ïaroh katba kum ka jingstad jong u: hynrei, ïa uba mutlop ka dohnud, yn ñiewbeiñ.

PROBERB 12:8 ပူးပေါင်းရင်းမြစ်များ

JENESIS 41:39

U syiem u ong ha u Joseph, “U Blei u la pynpaw ha me ïa kane baroh, kumta ka long kaba shai ba me don ka jingstad bad jingshemphang kaba kham khraw ban ïano ïano.

SALM 132:18

Ngan tap ïa ki nongshun jong u da ka jinglehrain, hynrei ka hima jong u kan roi kan par bad tyngshaiñ.”

PROBERB 1:26

Kumta ynda phi shah jynjar, ngan sa ïoh rkhie ïa phi. Ngan sa rkhiebeiñ ïa phi ynda phi hap ha ka jingsheptieng —

PROBERB 12:7

Ki bymman ki ïakynduh ïa la ka jingkyllon noh bad ym don ba mih pateng na ki, hynrei ki longïing jong kiba hok ki ïai im pateng.

PROBERB 12:9

Ka long kaba kham bha ban long u riewmadan uba trei ban ïoh bam ban kaba leh mynleh kum uba khraw hynrei bad ka shahthngan.

PROBERB 29:27

Uba hok u isih ïa u bymman, bad u bymman u isih ïa uba hok.

PROBERB 3:35

Ki briew kiba stad kin nang ïoh ka nam ka burom, hynrei ki briew kiba mutlop kin nang mad ka jingjahburom.

PROBERB 5:23

U ïap namar ba um lah synshar ïa lade; ka jingïailong mutlop jong u kan ïalam ïa u sha ka jingtep jong u hi.

EKLESIASTIS 8:1

Tang u briew uba stad u tip aïu kiei kiei ki kit jingmut shisha. Ka jingstad ka pynlong ïa u ban phuh samrkhie bad ka pynjah ïa ka jingnoh sngewsih ka durkhmat jong u.

ISAÏAH 19:14

U Trai u la pynlong ïa ki ban ai ka jingai jingmut kaba pynkulmar. Kaba mih nangta ka long ba ka Ijipt ka leh ïa kaei kaei baroh kaba bakla bad ka ïaid sheng sheng kum u briew uba buaid uba syntuid ha la ka jong ka prie.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

LOUKAS 16:8

“Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 18:30

Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 25:17

Sngewbha da pyrkhat shaphang kane bad sa rai ïa kaei ban leh. Kane ka lah ban long kaba shyrkhei ïa u kynrad jong ngi bad ïa ka longïing jong u baroh. U long uba sniew jinglong ba un ym sngap ïano ïano ruh!”