PROBERB 12:5 - Khasi CL Bible (BSI)

⁵ Ki briew kiba beit kin lehbha ïa phi; ki bymman ki kwah tang ban shukor ïa phi.

KA BAIBL

⁵ Ki jingmut jong u bahok ki long hok: hynrei, ki jingpyrkhat jong u bymman ki long ka jingshukor.

PROBERB 12:5 ပူးပေါင်းရင်းမြစ်များ

SALM 119:15

Nga pule bniah ïa ki jingbthah jong me, nga bishar bniah ïa ki jinghikai jong me.

SALM 139:23

To ïit ïa nga, A Blei, bad to tip ïa ka jingmut jong nga; tynjuh ïa nga, bad to tip ïa ki jingmut jong nga.

PROBERB 11:23

Kaei kaba ki briew kiba bha ki kwah ka mih ha ka jingbha; haba ki bymman ki ïoh ïa kaei kaba ki kwah, baroh ki bitar.

PROBERB 12:4

Ka tnga kaba bha ka long ka jingsarong bad jingkmen jong u tnga jong ka; hynrei ka tnga kaba pynlehrain ïa la u tnga ka long kum ka jingpang bampong ïa ki shyieng jong u.

PROBERB 12:6

Ki ktien jong ki bymman ki long kum ban pynïap, hynrei ki ktien jong kiba hok ki pyllait im ïa kito kiba shah byrngem.

PROBERB 14:8

Balei ba u briew uba sian u stad? Namar u tip ïa kaei ban leh. Balei ba u briew ba-mutlop u bieit? Namar ba u shu pyrkhat ba u tip.

PROBERB 24:9

Kano kano ka jingthmu ba u bieit u pyrkhat ka long pop. Ki briew ki isih ïa u briew u bym don ei ei hynrei uba rkhiebeiñ ïa kiwei.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

MATHAÏOS 2:16

Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

MATHAÏOS 26:4

bad ki la ïapynlong ki jingthmu ban kem ïa U Jisu ha kaba rieh bad ban pynïap ïa u.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 4:2

Ngi buh noh sharud ïa baroh ki kam barieh bad ba pynlehrain; ngim shym leh da ka jingshukor, lymne ngim pynbakla ïa ka ktien jong U Blei. Ha ka jingshai kaba pura jong ka jingshisha, ngi im ha khmat U Blei bad ngi pyrshang ban aiti ïa lade sha ka jingïatiplem babha jong uwei pa uwei.