PROBERB 12:23 - Khasi CL Bible (BSI)

²³ Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

KA BAIBL

²³ U briew u basian u buhrieh ïa ka jingtip: hynrei, ka dohnud ki babieit ka pynbna ïa ka jingbieit.

PROBERB 12:23 ပူးပေါင်းရင်းမြစ်များ

NEHEMAÏAH 2:12

bad haduh lai sngi ngam shym ïathuh ïano ïano ïa kaei kaba U Blei u la pyrsad mynsiem ha nga ban leh na ka bynta ka Jerusalem. Nangta ha shiteng jong ka miet nga ïeng joit bad mih shabar, da kaba ïalam bad nga katto katne ngut ki paralok jong nga. U jingri uba ngi la shim u dei u kada uba nga la shong.

NEHEMAÏAH 2:16

Ym don na kino kino ki rangbah synshar kiba na kata ka jaka kiba la tip shano ba nga la leit bad kaei kaba nga la leh. Haduh kata ka por, ngam pat shym la ong ei ei ïano ïano ruh na ka para Jiw jong nga — ki lyngdoh, ki nongïalam, ki rangbah synshar, lane mano mano ruh u ban ïashim bynta ha ka kam.

PROBERB 10:14

Kiba stad ki ïoh ïa ka jingtip baroh kaba ki lah; hynrei haba kiba bieit ki kren, ka jingkulmar ka mih.

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 11:13

Uba lorni u thad ïa kaba la buhrieh, hynrei phi lah ban buh ïa ka jingshaniah ha uba lah ban buhrieh.

PROBERB 13:16

Ki briew kiba sian, borabor ki pyrkhat ha shuwa ban leh ïa kano kano, hynrei ki briew kiba mutlop ki thad ïa la ka jingbieit.

PROBERB 14:33

Ka jingstad ka don ha ki jingmut jingpyrkhat jong ki briew kiba stad; kiba bieit kim tip ei ei shaphang ka jingstad.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 18:2

Uba bieit um suidñiew la u sngewthuh ne em ïa kano kano; baroh kaba u kwah ban leh ka long ban pynpaw katno u long uba sian.

PROBERB 29:11

Ki briew kiba bieit ki pynpaw ïa la ka jingbitar ha kaba paw, hynrei ki briew kiba shemphang ki ïaishah bad ki set khop ïa ka.

EKLESIASTIS 10:3

Ka jingmutlop jong u ka paw wat ha ki nongwei kiba u ïakynduh ha ka lynti; u ailad ïa iwei pa iwei ban tip ba u dei u bieit.

1 SAMUEL 10:16

“U ïathuh ïa ngi ba la lap ïa ki kada,” u Saul u jubab — hynrei um shym ïathuh ha u kñi jong u ïa kaei kaba u Samuel u la kren shaphang ka jingpynlong Syiem ïa u.