PROBERB 12:20 - Khasi CL Bible (BSI)

²⁰ Kito kiba thmu sniew kin don ha ka jingkyndit thret, hynrei kito kiba trei na ka bynta kaba bha kin shem ïa ka jingkmen.

KA BAIBL

²⁰ Ka jingshukor ka don ha ka dohnud jong kiba pun ïa ka jingsniew: hynrei, ïa ki nongpyrkhat ïa ka jingsuk ka don ka jingkmen.

PROBERB 12:20 ပူးပေါင်းရင်းမြစ်များ

2 KHRONIKL 22:4

U la leh pop pyrshah ïa U Trai, namar hadien ka jingïap u kpa jong u kiwei pat ki dkhot jong ka longïing u syiem Ahab ki la long ki nongai jingmut ïa u, bad ki la pynlong ïa ka jingkyllon noh jong u.

SALM 119:118

Me kyntait ïa uwei pa uwei u bymkohnguh ïa ki aiñ jong me; ki buit shukor jong ki, ki long ki bymmyntoi.

PROBERB 12:12

Baroh kaba ki briew ba-bymman ki kwah ka long ban wad ban leh ïa ki kam kiba sniew, hynrei kiba hok ki ïeng skhem.

PROBERB 12:19

Ka jinglamler ka neh tang shipor, hynrei ka jingshisha ka neh junom.

PROBERB 12:21

Ym don kaba sniew kaba jia ha ki briew kiba hok, hynrei ki bymman kim don ei ei tang ka jynjar suda.

JEREMAÏAH 17:16

Hynrei, A Trai, ngam ju kyrpad ïa me ban wallam ka jingpynjot halor jong ki; ngam shym la kwah ïa ka por jingjynjar na ka bynta jong ki. A Trai, me tip ïa kane; me tip ïa kaei kaba nga la ong.

DANIEL 11:27

Nangta ki ar ngut ki syiem kin ïashong lang ban ïabam ha kajuh ka miej, hynrei ki jingthmu jong ki, kin long kiba sniew, bad kin ïa-lamler uwei ïa uwei pat. Kin ym ïoh ïa kaei kaba ki kwah, namar ka por na ka bynta kata kam pat poi.

SEKHARAÏAH 6:13

U long ma u, u ban tei ïa ka bad ïohpdiang ïa ka burom kaba dei ïa u syiem bad un synshar ïa ki briew jong u. U lyngdoh un ïeng hajan ka khet jong u, bad kin ïatreilang ha ka jingsuk bad ha ka jingïasngewtynnat.’

MATHAÏOS 5:9

Suk kito kiba trei na ka bynta ka jingsuk; U Blei un khot ïa ki, ki khun jong u!

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.