PROBERB 12:17 - Khasi CL Bible (BSI)

¹⁷ Haba phi ïathuh ïa ka jingshisha, ka don ka jingbishar hok, hynrei ki jingshukor ki ïalam sha ka jingshah bishar bymhok.

KA BAIBL

¹⁷ Uta uba kren ïa ka jingshisha u pynpaw ïa ka hok, hynrei, u sakhi lamler ïa ka jingshukor.

PROBERB 12:17 ပူးပေါင်းရင်းမြစ်များ

PROBERB 12:16

Haba uba bieit u phoi, u pynpaw kumne kumne ba yn tip. Ki briew kiba sian kim patiaw ïa ka jingshah krenbeiñ.

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 14:25

U sakhi u pyllait im ïa ki briew haba u ong ïa kaba shisha; haba u ong ïa kaba shukor, u shetkylla ïa ki briew.

PROBERB 14:5

U sakhi uba lah ban shaniah, borabor u ïathuh ïa ka jingshisha, hynrei u bym lah ban shaniah, u ïathuh tang ïa kaba lamler.

PROBERB 19:28

Kam don jingbishar hok ha kaba u sakhi u thmu ban pynmong ïano ïano. Ki riewbymman ki ieit ïa ka jingmad kaba sniew.

PROBERB 19:5

Lada phi lamler ha ka ïingbishar, phin shah pynshitom — yn ym don jingpyllait.

PROBERB 21:28

Ym lah ban ngeit ïa ka jingphla shem mynsiem jong uba lamler, hynrei ka ktien jong uno uno uba da pyrkhat bha yn pdiang.

PROBERB 24:28

Wat ïeng sakhi pyrshah ïano ïano khlem ka daw kaba dei, ne wat ong ïa kaei kaei ka ban ïalam bakla shaphang jong u.

SEKHARAÏAH 8:16

Kine ki long kiei kiei kiba phi dei ban leh. Kren ïa ka jingshisha iwei ïa iwei pat. Ha ki ïingbishar ai ïa ki jingbishar hok kiba shisha — kaba wanrah ïa ka jingsuk.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

MATHAÏOS 26:59

Ki rangbah lyngdoh bad ka Dorbar baroh kawei ki la pyrshang ban lap ki sabut lamler pyrshah ïa U Jisu ban pynïap ïa u;

KI KAM 6:13

Nangta ki la wallam katto katne ngut ki rangbah ban ïathuh lamler shaphang jong u. “Une u briew,” ki la ong, “u ïai kren borabor pyrshah ïa ka templ bakyntang bad ïa ka hukum u Moses.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.