PROBERB 12:16 - Khasi CL Bible (BSI)

¹⁶ Haba uba bieit u phoi, u pynpaw kumne kumne ba yn tip. Ki briew kiba sian kim patiaw ïa ka jingshah krenbeiñ.

KA BAIBL

¹⁶ Ïa ka jingsngewsih jong u babieit la ithuh kumne kumne ruh: hynrei, u briew u basian u buhrieh ïa ka jinglehrain.

PROBERB 12:16 ပူးပေါင်းရင်းမြစ်များ

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

PROBERB 10:12

Ka jingshun ka pynmih ïa ki jingïakajia, hynrei ka jingieit ka klet noh ïa ki kam palat baroh.

PROBERB 12:17

Haba phi ïathuh ïa ka jingshisha, ka don ka jingbishar hok, hynrei ki jingshukor ki ïalam sha ka jingshah bishar bymhok.

PROBERB 14:33

Ka jingstad ka don ha ki jingmut jingpyrkhat jong ki briew kiba stad; kiba bieit kim tip ei ei shaphang ka jingstad.

PROBERB 16:22

Ka jingstad ka long ka umpohliew jong ka jingim ha kiba stad, hynrei kaba pyrshang ban ai jinghikai ïa kiba mutlop ka long tang ka jingpynlut kai ïa ka por.

PROBERB 17:9

Lada phi kwah ba ki briew kin sngewtynnat ïa phi, to map ïa ki haba ki kum leh bakla ïa phi. To kynmaw ba ki jingbakla ki lah ban pynpra ïa ka jingïadei paralok.

PROBERB 25:28

Lada phim lah ban synshar ïa ka jingbitar jong phi, phin long khlem ka jingïarap kum ka nongbah bym don kynroh, kaba lait rynghang ban shah tur ïaleh.

PROBERB 27:3

Ka jingkhia u maw bad u shyiap kam long ei ei ban haba ïanujor bad ka jingjynjar kaba uba mutlop u lah ban pynjia.

PROBERB 29:11

Ki briew kiba bieit ki pynpaw ïa la ka jingbitar ha kaba paw, hynrei ki briew kiba shemphang ki ïaishah bad ki set khop ïa ka.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.