PROBERB 12:13 - Khasi CL Bible (BSI)

¹³ Ki bymman ki shah riam ha ki ktien jong ki hi, hynrei ki briew kiba beit ki pyllait ïa lade na ka jynjar.

KA BAIBL

¹³ Ha ka jingpalat ki rmiang shyntur ka don ka jingriam ïa u basniew: hynrei, u bahok un mih noh na ka jingshitom.

PROBERB 12:13 ပူးပေါင်းရင်းမြစ်များ

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

2 SAMUEL 4:9

U Dabid u jubab ïa ki, “Nga la shim jingsmai ha U Trai uba im, uba la pyllait ïa nga na ki jingma baroh!

1 SYIEM 2:23

Nangta u Solomon u la ai ka jingkular bakyntang ha ka kyrteng jong U Trai, “To U Blei un shoh ïap ïa nga lada ngam pynlong ïa u Adonijah ban peiñ da ka jingim jong u namar ba u pan ïa kane!

SALM 34:19

U briew uba bha u mad bun ki jingjynjar, hynrei U Trai u pyllait im ïa u na ki baroh.

SALM 34:20

U Trai u tyngkai pura ïa u; wat kawei na ki shyieng jong u kan ym kheiñ.

SALM 5:6

Me pynjot ïa ki nongkren lamler baroh bad me isih ïa riewlehbor, ïa ki riewshukor.

SALM 59:12

Ka pop ka don ha ki rmiang shyntur jong ki; ki ktien jong ki baroh ki long kiba dap da ka pop; to ai ba yn lap ïa ki ha ka jingsarong jong ki! Namar ki tim bad ki shukor,

SALM 59:13

pynjot ïa ki ha ka jingbitar jong me; pynjot lut ïa ki. Te baroh kin tip ba U Blei u synshar ha Israel, ba ka jingsynshar jong u ka pyiar ha baroh ka pyrthei.

SALM 64:8

Un pynjot ïa ki namar kito ki kyntien jong ki; baroh kito kiba ïohi ïa ki kin pynkhih ïa la ki khlieh.

PROBERB 10:8

Ki briew kiba sngewthuh ki pdiang ïa ki jingpyn-i kiba dei, ki briew kiba kren bieit ki tur ruma sha ka jingjot.

PROBERB 11:8

Uba hok u lait na ka jingjynjar; pynban u bymman u hap ha ka.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

PROBERB 21:23

Lada phi kwah ban lait na ka jingjynjar to sumar ïa kaei kaba phi ong.

PROBERB 6:2

Hato phi la shah riam namar ki ktien jong phi hi, lane ngat namar la ki kular?

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

DANIEL 6:24

Nangta u syiem u la ai ki hukum ban kem ïa baroh ki rangbah kiba la lah mudui ïa u Daniel, bad la bret ïa ki, lem bad ki tnga jong ki bad ki khun jong ki, shapoh ka thliew kaba dap da ki sing. Ha shuwa ban kin poi sha tbian jong ka thliew, ki sing ki la kynrup ïa ki bad pynkheiñ ïa ki shyieng jong ki baroh.

MATHAÏOS 27:25

U paidbah baroh u la jubab, “Ai ba ka jingkitkhlieh na ka bynta ka jingïap jong u kan hap halor jong ngi bad halor ki khun jong ngi!”

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.