PROBERB 12:12 - Khasi CL Bible (BSI)

¹² Baroh kaba ki briew ba-bymman ki kwah ka long ban wad ban leh ïa ki kam kiba sniew, hynrei kiba hok ki ïeng skhem.

KA BAIBL

¹² U bymman u ikwah ïa ka jar jong ki briew ki basniew: hynrei, u thied jong u bahok u pynmih soh.

PROBERB 12:12 ပူးပေါင်းရင်းမြစ်များ

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 10:9

u ap ha la ka jakarieh kum u sing. U dem ban ap ïa kiba duk, u kem ïa ki ha ki jingriam jong u bad u paring ïa ki sharud.

SALM 9:15

Kiba mane blei thala ki la tih ïa ka thliew bad ki la hap hapoh jong ka; ki la ngat ha la ki jingriam jong ki hi.

PROBERB 10:15

Ka spah ka ïada ïa uba riewspah, ka jingduk ka pynjot ïa uba duk.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

PROBERB 21:10

Ki briew ba-bymman ki kwah borabor ïa kaba sniew; kim don jingisynei ïano ïano ruh.

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

ISAÏAH 37:31

Kito kiba lait im ha Judah kin roi kin san kum ki jingthung kiba ngam jylliew ki thied ha ka khyndew bad pynmih soh.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.