PROBERB 11:4 - Khasi CL Bible (BSI)

⁴ Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

KA BAIBL

⁴ Ki spah kim pynmyntoi ha ka sngi ka jingbitar: hynrei, ka hok ka pyllait na ka jingïap.

PROBERB 11:4 ပူးပေါင်းရင်းမြစ်များ

JENESIS 7:1

U Trai u ong ha u Noah, “Khie leit shapoh ka lieng lem bad ka longïing longsem jong me baroh; nga la shem ba dei tang ma me marwei ha ka pyrthei baroh uba leh ïa kaba dei.

Ka Kitab U Job 20:28

Ïa ka spah jong u baroh yn pynjot ha ka jingshlei jong ka jingbitar U Blei.

PROBERB 10:2

Ka spah kaba phi ïoh da ka bymhok kam pynmyntoi ei ei, hynrei ka jinglonghok ka pyllait ïa ka jingim jong phi.

PROBERB 12:28

Ka hok ka long ka lynti sha ka jingim; ka jingbymman ka long ka lynti sha ka jingïap.

PROBERB 6:34

U tnga u kham jur ka jingbitar ha ka por ba u bishni; ka jingpynhiarkput jong u kam don pud.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ESEKIEL 14:14

Wat lada kito ki lai ngut ki rangbah, u Noah, u Daniel bad u Job ki don hangta, ka jingbha jong ki kan pynim tang ïa ka jingim jong ki hi.” U Trai Nongsynshar u la kren.

ESEKIEL 7:19

Kin bret noh ïa la ka ksiar bad ka rupa ha ki lynti bah kum kiba la kyntait, namar ka ksiar lymne ka rupa kan ym lah ban pynim ïa ki haba U Trai un theh noh ïa ka jingbitar shla jong u. Kin ym lah ban pyndonkam ïa ki ban pynhun ïa ka jingangnud jong ki ne pyndap ïa ki snier jong ki. Ka ksiar bad ka rupa ki ïalam ïa ki sha ka jingleh pop.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.