PROBERB 11:31 - Khasi CL Bible (BSI)

³¹ Kito kiba bha ki ïoh bainong hangne ha pyrthei, te phi lah ban thikna ba ki bymman bad ki briew kiba pop kin shah pynshitom.

KA BAIBL

³¹ Ha khmih, ïa u bahok yn ai nong ha ka khyndew: sa katno tam lei lei ïa u bymman bad ïa u nongpop.

PROBERB 11:31 ပူးပေါင်းရင်းမြစ်များ

2 SAMUEL 22:21

U Trai u ainong ïa nga namar ba nga leh ïa kaba dei; u la kyrkhu ïa nga namar ba nga long uba shida.

2 SAMUEL 22:25

Bad kumta u ainong ïa nga namar ba nga leh ïa kaba dei, namar u tip ba nga long uba shida.

1 SYIEM 13:24

Ha lynti, u la ïakynduh ïa u sing uba la pynïap ïa u. Ka metïap jong u ka don ha ka lynti bah, bad ka kada bad u sing ki ïeng ha syndah jong ka.

PROBERB 12:1

Kino kino kiba ieit ïa ka jingtip ki kwah ban don ba pynong haba ki bakla. Ka long ka jingbieit ban isih haba don ba pynbeit.

PROBERB 13:21

Ka jingjynjar ka buddien ïa ki nongpop kylleng, hynrei ki briew kiba hok kin ïoh bainong da kiei kiei kiba bha.

PROBERB 26:10

U nongaikam uba khot bylla ïa uno uno uba bieit uba u ïakynduh, u long tang ban pynmynsaw kat ïa kiba ïatreilang.

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

ESEKIEL 44:10

U Trai u la ong ha nga, “Ngan pynshitom ïa kito ki Lebi, ryngkat bad ïa kito kiba na ki paid Israel, kiba la iehnoh ïa nga bad mane ïa ki bleithaw.

HOSIA 4:9

Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.