PROBERB 11:28 - Khasi CL Bible (BSI)

²⁸ Kito kiba shaniah ha ka spah jong ki, kin hap kum ki sla jong ka synrai, hynrei kiba hok kin roi kyrhai kum ki sla jong ka lyiur.

KA BAIBL

²⁸ Uta uba shaniah ha la ka spah, un kyllon: hynrei, u bahok un roi kum ka sla ka bajyrngam.

PROBERB 11:28 ပူးပေါင်းရင်းမြစ်များ

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 49:6

da ki briew kiba sniew kiba shaniah ha ka spah jong ki bad kiba sarong ïa la ka spah bakhraw jong ki.

SALM 62:10

Wat buh ïa la ka jingshaniah ha ka jinglehbor; wat kyrmen ban ïoh myntoi ei ei da ka jinglute; wat haba ka spah jong phi ka roi, wat shaniah ha ka.

PROBERB 10:15

Ka spah ka ïada ïa uba riewspah, ka jingduk ka pynjot ïa uba duk.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

JEREMAÏAH 17:8

U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.