PROBERB 11:24 - Khasi CL Bible (BSI)

²⁴ Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

KA BAIBL

²⁴ Don uba pynsaphred, bad u nang kham roi kham roi: don ruh uba bat kham bun ban ïa kaba dei, hynrei, ka lam tang sha kaba kyrduh.

PROBERB 11:24 ပူးပေါင်းရင်းမြစ်များ

2 KHRONIKL 31:10

bad u Asaraïah u Rangbah Lyngdoh, uba hiarpateng na u Sadok, u ong ha u, “Naduh ba ki briew ki sdang ban wanrah ïa ki jingai jong ki sha ka Templ, kaba la don, ka la biang ban bam bad kaba sah tam ka long kaba bun. Ngi don ïa kane baroh namar U Trai u la kyrkhu ïa ki briew jong u.”

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 11:23

Kaei kaba ki briew kiba bha ki kwah ka mih ha ka jingbha; haba ki bymman ki ïoh ïa kaei kaba ki kwah, baroh ki bitar.

PROBERB 11:25

Long kiba sbun, bad phin manbha. Ïarap ïa kiwei, bad yn ïarap ïa phi.

PROBERB 13:7

Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 28:27

Ai ha kiba duk bad phin ym don ha ka jingkyrduh lano lano ruh. Lada phi khapbrip la ki khmat sha kiba duk, ki briew kiba bun kin tim ïa phi.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

LOUKAS 6:38

Ai ha kiwei, bad U Blei un ai ha phi. Da shisha, phin ïohpdiang ka jingthew kaba dap biang, ka jingai basbun, kaba la theh ha ki kti jong phi — baroh kata kaba phi lah ban bat. Ka jingthew kaba phi pyndonkam na ka bynta kiwei ka long kata kaba U Blei un pyndonkam ïa phi.”

DEUTERONOMI 15:10

Ai ha u da ka mon sngewbha bad khlem da khñium, te U Trai un kyrkhu ïa phi ha ki kam jong phi baroh.