PROBERB 11:23 - Khasi CL Bible (BSI)

²³ Kaei kaba ki briew kiba bha ki kwah ka mih ha ka jingbha; haba ki bymman ki ïoh ïa kaei kaba ki kwah, baroh ki bitar.

KA BAIBL

²³ Ka jingkwah jong u bahok ka long ka babha suda: hynrei, ka jingkhmih lynti jong u bymman ka long ka jingbitar.

PROBERB 11:23 ပူးပေါင်းရင်းမြစ်များ

SALM 10:17

A Trai, men shahshkor ïa ki jingduwai jong kiba rit kyrdan; me ai ha ki ka jingshlur.

SALM 119:10

Da ka dohnud jong nga baroh nga pyrshang ban shakri ïa me; to sumar ïa nga na ka jingbymkohnguh ïa ki hukum jong me.

SALM 119:5

A katno nga kyrmen ba ngan long uba ïaineh ha kaba sumar ïa ki jingbthah jong me!

SALM 27:4

Nga la pan na U Trai ïa kawei; tang kawei hi nga kwah: ban shong ha ka ïing U Trai baroh shi rta, ban sngewphylla hangta ïa ka jingbha jong u, bad ban kyrpad ïa ka jingïalam jong u.

SALM 37:4

Wad ïa ka jingsuk ha U Trai, bad un ai ha phi ïa ka jingkwah ka dohnud jong phi.

PROBERB 10:28

Ki jingkyrmen jong ki briew kiba bha ki lam sha ka jingkmen, hynrei ka jingkhmih lynti ki riewbymman kam lam shano shano.

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

PROBERB 11:7

Haba ki bymman ki ïap, ka jingkyrmen jong ki ruh ka ïap bad ki. Ka jingsngewskhem halor ka spah kam ïalam shano shano ruh.

PROBERB 12:5

Ki briew kiba beit kin lehbha ïa phi; ki bymman ki kwah tang ban shukor ïa phi.

PROBERB 13:2

Ki briew kiba bha kin ïoh bainong na ka bynta kaei kaba ki ong, hynrei kito kiba shukor ki thrang tang ban leh jubor.

ISAÏAH 26:9

Mynmiet nga thrang ïa me da ka dohnud jong nga baroh; haba me bishar ïa ka pyrthei bad ki briew jong ka, baroh kin tip kaei ka long ka jingbishar hok.

JEREMAÏAH 17:16

Hynrei, A Trai, ngam ju kyrpad ïa me ban wallam ka jingpynjot halor jong ki; ngam shym la kwah ïa ka por jingjynjar na ka bynta jong ki. A Trai, me tip ïa kane; me tip ïa kaei kaba nga la ong.

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!