PROBERB 11:18 - Khasi CL Bible (BSI)

¹⁸ Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

KA BAIBL

¹⁸ U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 11:18 ပူးပေါင်းရင်းမြစ်များ

EKSODOS 1:20

Namar ba kita ki nongpynkha khun ki sheptieng ïa U Blei, u ruh u pynmanbha ïa ki, bad u ai ha ki ba kin don la ki khun ki kti. Ki Israel ruh ki nang roi bad ki nang khlaiñ.

PROBERB 1:18

hynrei ki briew kiba kum kita ki riam ïa lade hi, ka jingriam ka ban pynïap ïa ki hi.

PROBERB 10:16

Ka bainong ban lehbha ka lam sha ka jingim; hynrei ka pop ka ïalam ban leh pop shuh shuh.

PROBERB 22:8

Lada phi bet ïa ki symbai ka jingbymhok, ka jingpynjot kan mih, bad ka jingbanbeiñ jong phi ïa kiwei kan kut noh.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

EKLESIASTIS 10:8

Lada phi tih ïa ka thliew, phin hap hapoh jong ka, lada phi phrung lyngba ka kynroh, u bseiñ un puh ïa phi.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

JAKOB 3:18

Bad ka jingbha ka long ka jingmih ba la pynmih na ki symbai kiba ki nongpynïasuk ki la bet ha ka jingsuk.