PROBERB 11:13 - Khasi CL Bible (BSI)

¹³ Uba lorni u thad ïa kaba la buhrieh, hynrei phi lah ban buh ïa ka jingshaniah ha uba lah ban buhrieh.

KA BAIBL

¹³ Uta uba par kylleng kum u nongkrensiar u pynpaw ïa ki ktien rieh: hynrei, uta uba don ka mynsiem kaba shaniah u buhrieh ïa ka kam.

PROBERB 11:13 ပူးပေါင်းရင်းမြစ်များ

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 11:12

Ka long bieit ban krenbeiñ ïa kiwei. Lada phi long uba sngewthuh, phin shu sngap jar jar.

PROBERB 12:23

Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

PROBERB 14:5

U sakhi uba lah ban shaniah, borabor u ïathuh ïa ka jingshisha, hynrei u bym lah ban shaniah, u ïathuh tang ïa kaba lamler.

PROBERB 19:11

Lada phi long uba shemphang, phin lah ban kan ïa la ka jingbitar. Haba uno uno u leh bakla ïa phi, ka dei ka jinglong bakhraw ban leh klet ïa ka.

PROBERB 20:19

Ka jinglorni kam lah ban set ïa kaba buhrieh. Kiar na ki briew kiba bunktien palat.

PROBERB 25:9

Lada ma phi bad la u paramarjan phi don ka jingïapher jingmut, ïakren pynbeit para ma phi bad wat pynpaw ïa kino kino ki kam barieh.

JEREMAÏAH 38:27

Te baroh ki rangbah synshar ki la wan ban kylli ïa nga, bad nga la ong ïa ki thik kumba u syiem u la ong ïa nga ban ong ha ki. Ym don ei ei pat kaba ki lah ban leh, namar ym don mano mano ba la ïohsngew ïa ka jingïakren.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

JOSHUA 2:14

Ki rangbah ki ong ha ka, “Ai ba U Blei un shim noh ïa ka jingim jong ngi lada ngim leh kumba ngi kular! Lada phim ïathuh hano hano ïa kaei kaba ngi la leh, ngi kular ïa phi ba ynda U Trai u ai ha ngi ïa kane ka ri, ngin lehbha shisha ïa phi.”

JOSHUA 2:20

Tangba lada pha ïathuh hano hano ïa kaei kaba ngi la leh, te ngim donkam ban bat ïa la ka kular ïa kaba pha la pynlong ïa ngi ban ai ha pha.”