PROBERB 10:6 - Khasi CL Bible (BSI)

⁶ U briew uba bha un ïoh jingkyrkhu. Ki ktien u riewbymman ki buhrieh ïa ka jinglong ba leh jubor.

KA BAIBL

⁶ Ki jingkyrkhu ki don ha ka khlieh jong u bahok: hynrei, ka jingleh-jubor ka tap ïa ka shyntur jong u bymman.

PROBERB 10:6 ပူးပေါင်းရင်းမြစ်များ

ESTHER 7:8

U la dem ïa lade ha ka jaka shong shaniah jong ka Esther ban kyrpad na ka bynta ka jingisynei. Haba u syiem u wan phai pat shapoh kamra na ki kper, haba u ïohi ïa kane, u syiem u pyrta jam, “Hato une u briew un leh be-ijot ïa ka mahadei hangne hi ha khmat jong nga, ha ka ïingsyiem jong nga?” U syiem um pat kut bha ka jingkren, ba ki ïunukh ki tap ïa ka khlieh u Haman.

Ka Kitab U Job 29:13

Ki briew kiba don ha ki jingjynjar bakhraw ki ïaroh ïa nga, bad nga la ïarap ïa ki riewkynthei ban ïoh jingshngain.

SALM 107:42

Kiba hok ki ïohi ïa kane bad ki kmen, hynrei ïa baroh kiba bymman la pynsngap jar.

PROBERB 10:11

Ki ktien u briew uba bha ki long ka umpohliew ka jingim, hynrei ki ktien u briew uba bymman ki buhrieh ïa ka jinglong ba leh jubor.

PROBERB 10:5

U briew uba sngewthuh u lum ïa ki soh ha ka aïom kaba biang; ka long kaba jahburom ban thiah thai ha ka por ka aïom ot.

PROBERB 11:26

Ki briew ki tim ïa uno uno uba set ïa u kew, ban ap haba un kiew dor, hynrei ki ïaroh ïa uno uno uba sei ban die ïa u.

PROBERB 24:25

Ki nongbishar kiba pynshitom ïa uba shah pynrem, kin manbha bad kin ïoh ka nam babha.

PROBERB 28:20

Ki briew kiba lehhok kin ïoh ka jingim kaba kyrhai bad kaba suk. Hynrei lada phi long kyrkieh ban riewspah, phin ym lait na kaba shah pynshitom.

PROBERB 3:33

U Trai u buh ka jingtim ha ki longïing jong ki riewbymman, hynrei u kyrkhu ïa ki longïing jong kiba hok.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

OBADAÏAH 1:10

“Namar ba pha lute bad pynïap ïa la ki hynmen ki para shynrang, ki khun ki ksiew u Jakob, ïa pha yn pynjot bad pynjahburom junom.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

DEUTERONOMI 28:2

Kohnguh ïa U Trai U Blei jong phi, te kine ki jingkyrkhu baroh kin wan ha phi.