PROBERB 10:27 - Khasi CL Bible (BSI)

²⁷ Kohnguh ïa U Trai, bad phin im kham slem. Ki bymman ki ïap shuwa ka por jong ki.

KA BAIBL

²⁷ Ka jingsheptieng ïa U Trai ka pynslem ïa ki sngi: hynrei, ïa ki snem jong u bymman yn pynlyngkot.

PROBERB 10:27 ပူးပေါင်းရင်းမြစ်များ

SALM 21:4

U pan ïa ka jingim bad me ai ïa ka, ka jingim kaba jlan bad kaba neh.

SALM 55:23

Hynrei ma me, A Blei, men wallam ïa kito ki nongpynïap briew bad ki nongshukor sha ki jingtep jong ki ha shuwa ba shiteng jingim jong ki kan kut noh. Katba ma nga, ngan shaniah ha me.

SALM 91:16

Ngan ainong ïa ki da kaba pynslem ïa ka rta jong ki, ngan pynim ïa ki.”

SALM 92:15

Kane ka pyn-i ba U Trai u long uba hok, bad ym don jingbakla ha u nongïada jong nga.

PROBERB 14:27

Hato phi kwah ban lait na ka jingïap? Ka jingtiengburom ïa U Trai ka long ka umpohliew ka jingim.

PROBERB 28:18

Long uba hok bad phin long shngain. Lada phi long bymhok phin kyllon kynsan.

PROBERB 3:16

Ka jingstad ka pynjlan ïa ka rta jong phi kumjuh ruh ka pynïoh ïa ka spah bad ka burom.

PROBERB 3:2

Ka jinghikai jong nga kan ai ïa phi ka jingim kaba jlan bad kaba manbha.

PROBERB 9:11

Ka jingstad kan nang pynjrong ïa ki snem ka jingim jong phi.

EKLESIASTIS 7:17

Hynrei wat long kiba sniew palat ne kiba bieit palat, ym kawei ruh na ki — balei phin ïap haba phim pat dei?

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

DEUTERONOMI 11:9

Phin ïoh shong slem ruh ha kata ka ri kaba tuid da ka dud bad ka ngap kaba U Trai u la kular ban ai ha ki kpa tymmen jong phi bad ha ki khun ki ksiew jong ki.