PROBERB 10:25 - Khasi CL Bible (BSI)

²⁵ Ki 'erïong ki wan, bad ki bymman ki shah rong noh; hynrei ki briew kiba hok ki shngain borabor.

KA BAIBL

²⁵ Haba ka lyer langthari ka ïaid, u bymman um don shuh: hynrei, u bahok u long ka nongrim kaba junom.

PROBERB 10:25 ပူးပေါင်းရင်းမြစ်များ

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

Ka Kitab U Job 20:8

Un jah noh kum ka jingphohsniew, kum ka jingïohipaw mynmiet, bad ba yn ym ïohi shuh.

Ka Kitab U Job 21:18

bad ban pyrsad noh ïa ki kum ïa ki phlangïap ha ka lyer, lane kum ïa u pui pui ba la rah noh ha ka 'erïong?

SALM 125:1

Kito kiba shaniah ha U Trai ki long kum u lum Seïon, u bym lah ban pynkhynñiuh, u bym lah ban pynkhih.

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

SALM 58:9

Ha shuwa ba kin tip ïa kata, la ot noh ïa ki kum ki ñiut; ha ka jingbitar lep U Blei un pyrsad noh jar ïa ki katba ki dang don jingim.

PROBERB 1:27

haba ka wan ha phi kum ka 'erïong, bad ka pynjynjar ïa phi kum ka 'erlangthari, bad haba phi don ha ka jingpang bad ka jinglanot.

PROBERB 10:30

Ki briew kiba hok ki ïoh ka jingsngewskhem borabor, hynrei ki bymman kin ym lah ban im ha ka ri.

PROBERB 12:3

Ka jingleh bymman kam wanrah ïa ka jingshngain, hynrei ki briew kiba hok ki ïeng skhem.

PROBERB 12:7

Ki bymman ki ïakynduh ïa la ka jingkyllon noh bad ym don ba mih pateng na ki, hynrei ki longïing jong kiba hok ki ïai im pateng.

ISAÏAH 40:24

Ki long tang kum ki jingthung ba dang lung, ba dang shu mih bad bym pat suhthied, haba U Trai u phah ïa ka lyer, ki tyrkhong noh bad kit noh kum u phlangïap.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”