PROBERB 10:24 - Khasi CL Bible (BSI)

²⁴ Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

KA BAIBL

²⁴ Ka jingsheptieng jong u bymman, kan wan ngat ha u: bad ïa ka jingkwah jong u bahok, yn ai.

PROBERB 10:24 ပူးပေါင်းရင်းမြစ်များ

Ka Kitab U Job 15:21

Ki jingsawa ba-sngewtriem kin pah ha ki shkor jong ki, bad ki nonglute kin wan kurup ïa ki haba ki dang pyrkhat ba ki shngain.

Ka Kitab U Job 3:25

Baroh kaba nga sheptieng bad sngewtriem ka wan jia shisha.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SALM 21:2

Me la ai ha u ïa ka jingkwah ka dohnud jong u; me la jubab ïa ka jingkyrpad jong u.

SALM 37:4

Wad ïa ka jingsuk ha U Trai, bad un ai ha phi ïa ka jingkwah ka dohnud jong phi.

PROBERB 1:26

Kumta ynda phi shah jynjar, ngan sa ïoh rkhie ïa phi. Ngan sa rkhiebeiñ ïa phi ynda phi hap ha ka jingsheptieng —

PROBERB 1:27

haba ka wan ha phi kum ka 'erïong, bad ka pynjynjar ïa phi kum ka 'erlangthari, bad haba phi don ha ka jingpang bad ka jinglanot.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

ISAÏAH 66:4

Kumta ngan wallam jingjot halor jong ki — Ïa kita kiei kiei kiba ki sheptieng — namar ym don uwei ruh uba jubab haba nga khot lane shahshkor haba nga kren. Ki jied ban ïaleh pyrshah ïa nga bad leh ïa kaba sniew.”

ESEKIEL 11:8

Hato phi sheptieng ïa ki waitlam? Ngan wallam ïa ki briew ryngkat bad ki waitlam ban tur ïaleh ïa phi.

DANIEL 4:28

Kane baroh ka la jia ïa u syiem Nebukhadnessar.

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

ÏOANNIS 14:18

“Ynda nga leit, phin ym sah tang marwei; ngan wan pat sha phi.

ÏOANNIS 16:24

Haduh mynta phim ju pan ei ei ha ka kyrteng jong nga; to pan bad phin ïohpdiang, khnang ba ka jingkmen jong phi kan ïoh long kaba dap pura.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!