PROBERB 10:21 - Khasi CL Bible (BSI)

²¹ Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

KA BAIBL

²¹ Ki rmiang shyntur jong u bahok ki bsa ïa kiba bun: hynrei u babieit u ïap namar ba kyrduh jingshemphang.

PROBERB 10:21 ပူးပေါင်းရင်းမြစ်များ

Ka Kitab U Job 23:12

Nga leh borabor ïa kaei kaba U Blei u hukum; nga bud ïa ka mon jong u, ym ïa ki jingkwah jong nga hi.

SALM 37:30

Ki ktien u briew uba bha ki long ka jingstad, bad u long borabor uba shai.

PROBERB 1:29

Phim ju sngew donkam ïa ka jingtip bad borabor phi kyntait ban kohnguh ïa U Trai.

PROBERB 1:31

Namar kata, phin ïoh ïa kaba phi pan kwah, bad ki kam jong phi hi kin pynshitom ïa phi.

PROBERB 1:32

Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

PROBERB 10:11

Ki ktien u briew uba bha ki long ka umpohliew ka jingim, hynrei ki ktien u briew uba bymman ki buhrieh ïa ka jinglong ba leh jubor.

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 15:4

Ki kyntien kiba sbun ki pynkhie im, hynrei ki kyntien kiba khor ki pynlwet ïa ka dohnud.

PROBERB 15:7

Ïa ka jingtip la pynphriang da ki briew kiba stad, ym da kiba bieit.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

PROBERB 5:12

“Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

PROBERB 5:2

Te phin sa nang kumno ban leh donakor, bad ki ktien jong phi kin pynpaw ba phi don ka jingtip.

PROBERB 5:23

U ïap namar ba um lah synshar ïa lade; ka jingïailong mutlop jong u kan ïalam ïa u sha ka jingtep jong u hi.

PROBERB 6:32

Hynrei u briew uba klim um don ka bor sngewthuh. U shu pynjot ei ïa lade.

EKLESIASTIS 12:11

Ki jingong jong ki briew kiba stad ki long kum ki dieng banep kiba ki nongap langbrot ki pyndonkam ha kaba ïalam lynti ïa ki langbrot, bad ki proberb kiba la lum ki neh slem kum ki preg kiba la sah pynskhem. Ki long kiba la ai da U Blei, U Nongap Langbrot jong ngi baroh.

ISAÏAH 5:13

kumta ïa phi yn rah noh kum ki koidi. Ki nongïalam jong phi kin shahthngan haduh ban ïap, bad ki riewpaidbah kin ïap thynrang.

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

JEREMAÏAH 3:15

Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

1 PETROS 5:2

Nga kyntu ïa phi ban long ki nongsharai ïa ka kynhun ïa kaba U Blei u la ai ha phi bad ban sumar ïa ka da ka mon sngewbha, kumba U Blei u kwah ïa phi, bad ym da kaba shu pynbor. Trei ïa la ka kam, ym tang na ka bynta ka bainong, hynrei na ka jingthrang ban shakri.