PROBERB 10:2 - Khasi CL Bible (BSI)

² Ka spah kaba phi ïoh da ka bymhok kam pynmyntoi ei ei, hynrei ka jinglonghok ka pyllait ïa ka jingim jong phi.

KA BAIBL

² Ki jingkynshew ka jingbymman kim pynmyntoi ei ei: hynrei, ka hok ka pyllait na ka jingïap.

PROBERB 10:2 ပူးပေါင်းရင်းမြစ်များ

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 12:28

Ka hok ka long ka lynti sha ka jingim; ka jingbymman ka long ka lynti sha ka jingïap.

PROBERB 13:11

Ka jingïoh ïa ka spah da kaba suk eh, ka jinglut noh jong ka ruh ka long kaba kloi eh. Kaba kham eh ban ïoh ïa ka, kaba kham roi ruh ka jingïoh ïa ka.

PROBERB 21:6

Ka spah ba phi ïoh da ka jingbymhok shen kan jah noh; hynrei ym ha shuwa ba kan ïalam ïa phi sha ki tyngam jong ka jingïap.

ESEKIEL 7:19

Kin bret noh ïa la ka ksiar bad ka rupa ha ki lynti bah kum kiba la kyntait, namar ka ksiar lymne ka rupa kan ym lah ban pynim ïa ki haba U Trai un theh noh ïa ka jingbitar shla jong u. Kin ym lah ban pyndonkam ïa ki ban pynhun ïa ka jingangnud jong ki ne pyndap ïa ki snier jong ki. Ka ksiar bad ka rupa ki ïalam ïa ki sha ka jingleh pop.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.