PROBERB 10:19 - Khasi CL Bible (BSI)

¹⁹ Katba phi nang bunktien, katta phi nang leh pop. Lada phi long uba stad phin sngap jar.

KA BAIBL

¹⁹ Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

PROBERB 10:19 ပူးပေါင်းရင်းမြစ်များ

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

PROBERB 11:12

Ka long bieit ban krenbeiñ ïa kiwei. Lada phi long uba sngewthuh, phin shu sngap jar jar.

PROBERB 11:13

Uba lorni u thad ïa kaba la buhrieh, hynrei phi lah ban buh ïa ka jingshaniah ha uba lah ban buhrieh.

PROBERB 12:23

Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

EKLESIASTIS 5:1

Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

EKLESIASTIS 5:2

Da pyrkhat shuwa ba phin kren, bad wat pynlong kino kino ki jingkular kyrkieh ha U Blei. U don ha bneng bad ma phi ha khyndew, kumta wat ong ei ei palat ban ïa kaba phi dei ban ong.

EKLESIASTIS 5:3

Kat phi nang bun jingkhuslai, katta phin ïoh ki jingphohsniew kynsha, bad kat phi nang bunktien katta phin liat ha kaba kren ïa kaei kaei kaba bieit.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.