PROBERB 10:18 - Khasi CL Bible (BSI)

¹⁸ U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

KA BAIBL

¹⁸ Uta uba buhrieh ïa ka jingshun u don ki rmiang shyntur kiba lamler; bad uta uba kren siar u long u babieit.

PROBERB 10:18 ပူးပေါင်းရင်းမြစ်များ

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

SALM 5:9

Kaei kaba ki nongshun jong nga ki kren ka long ka bym lah da lei lei ban shaniah; ki kwah tang ban pynjot. Ki ktien jong ki, ki long kiba pynroh bad kiba jali ja-um, hynrei kiba dap da ka jingshukor kaba shyrkhei.

SALM 50:20

Phi long kiba kloi ban pharep ïa la ki jong ki para bad ban wad daw ïa ki.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

EKSODOS 23:1

“Wat ju pynphriang ïa ki khubor lamler, bad wat ïarap ïa u nongleh bymman da kaba sakhi lamler.

JEREMAÏAH 6:28

Ma ki baroh ki long ki nongïaleh pyrshah ba-mutlop, kiba eh kum ka rnong bad u nar. Ma ki baroh ki long kiba sniew, ki da ïaid kylleng bad pynsaphriang ïa ka lorni.

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

1 SAMUEL 18:29

Kumta u nang kham tieng shuh shuh ïa u Dabid bad u kylla long u nongshun jong u katba u dang im.