PROBERB 10:17 - Khasi CL Bible (BSI)

¹⁷ Ki briew kiba shahshkor haba ki shah pynbeit kin ïoh im, hynrei kito ki bym pdiang ba ki bakla ki don ha ka jingma.

KA BAIBL

¹⁷ U long ha ka lynti ka jingim jar uba sngap ïa ka jingsneng; hynrei, uta uba lyndet ïa ka jingsneng, u bakla.

PROBERB 10:17 ပူးပေါင်းရင်းမြစ်များ

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

PROBERB 1:30

Phim ju kwah ïa ka jingai jingmut lem jong nga lane shahshkor haba nga pynbeit ïa phi.

PROBERB 12:1

Kino kino kiba ieit ïa ka jingtip ki kwah ban don ba pynong haba ki bakla. Ka long ka jingbieit ban isih haba don ba pynbeit.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

PROBERB 4:4

I ju ong, “Kynmaw bha ïa kaba nga ong bad wat klet ïa ka lano lano ruh. Leh kumba nga ong ïa phi, bad phin im.

PROBERB 5:12

“Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

PROBERB 5:14

Kynsan kynsan nga shem ïa lade ha ka jingjahburom ha khmat u paidbah.”

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

EKLESIASTIS 5:6

Wat ai ba ki kyntien jong phi kin ïalam ïa phi sha ka pop, ba kumta phi hap ban ïathuh ïa u lyngdoh jong U Blei ba phim shym mut shisha. Balei ban pynlong ïa U Blei ban bitar ïa phi? Balei yn shah ïa u ban pynjot thiaw ïa kaei kaba phi la trei?

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

NONGBISHAR 19:17

Uta u tymmen u ïohi ha madan shnong ïa uta u nongleit jingleit bad u kylli ïa u, “Na-ei phi wan? Shano phin leit?”