PROBERB 1:5 - Khasi CL Bible (BSI)

⁵ Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

KA BAIBL

⁵ ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

PROBERB 1:5 ပူးပေါင်းရင်းမြစ်များ

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

Ka Kitab U Job 34:10

To shahshkor ïa nga, phi ki rangbah kiba don jingshemphang! Hato U Blei Badonbor Baroh u leh ïa kaei ka bymdei?

Ka Kitab U Job 34:16

Mynta to shahshkor ïa nga, lada phi long kiba stad.

Ka Kitab U Job 34:34

Uno uno uba don ka jingmut jingpyrkhat kaba biang un mynjur da shisha; bad uba stad haba u ïohsngew ïa nga un ong

PROBERB 12:1

Kino kino kiba ieit ïa ka jingtip ki kwah ban don ba pynong haba ki bakla. Ka long ka jingbieit ban isih haba don ba pynbeit.

PROBERB 14:6

Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 18:15

Ki briew kiba shemphang ki long borabor kiba thrang bad ba kloi ban shah hikai.

PROBERB 19:25

Ïa ka jingsngewmeng dei ban pynshitom, khnang ba ki briew ki bym da sngewthuh bha kin ïoh jinghikai. Lada phi long uba stad, phin ïoh jinghikai haba pynbeit ïa phi.

PROBERB 21:11

Haba uno uno u sngewsarong u ïoh ïa la ka jingpynshitom, wat u briew u bym don ka bor pyrkhat u ïoh jinghikai. Uta uba stad un nang na kata kaba la hikai ïa u.

PROBERB 8:33

Shahshkor ïa kaei ba la hikai ïa phi, long uba stad; wat kyntait ïa ka.

PROBERB 9:8

Wat ju pynbeit ïa u briew uba hangamei; un isih ïa phi na ka bynta kata. Hynrei lada phi pynbeit ïa u briew uba stad, un burom ïa phi.

PROBERB 9:9

Kano kano kaba phi kren ïa u briew uba stad, kan pynlong ïa u ban nang kham stad. Kano kano kaba phi kren ha u briew uba hok kan nang pynroi ïa ka jingtip jong u.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

1 KORINTH 10:15

Nga kren ha phi kum ki briew kiba sngewthuh; to bishar hi da lade ïa kaei kaba nga ong.

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’