PROBERB 1:4 - Khasi CL Bible (BSI)

⁴ Ki lah ban pynlong ïa u briew uba shida ban long sian bad hikai ïa ki samla kumno ban dap ban biang ka jingim.

KA BAIBL

⁴ ban ai ka jingsian ha uba shida, bad ha u samla ka jingtip bad ka jingpyrkhat:

PROBERB 1:4 ပူးပေါင်းရင်းမြစ်များ

SALM 116:6

U Trai u ïada ïa ki bym don jingïarap; haba nga la don ha ka jingma, u la pyllait im ïa nga.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

SALM 119:9

Da kumno u samla un lah ban sumar khuid ïa la ka jingim? Da kaba kohnguh ïa ki hukum jong me.

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

SALM 34:11

Ale, ko ki paralok samla jong nga, to shahshkor ïa nga, bad ngan hikai ïa phi ban pyndonburom ïa U Trai.

PROBERB 3:21

Ko khun jong nga, batskhem ïa la ka jingstad bad ka jingsngewthuh. Wat shah lano lano ba kin lait noh na phi.

PROBERB 8:12

Nga long ka Jingstad, bad nga don ka bor sngewthuh; nga don ka jingtip bad ka bor pyrkhat kaba khlaiñ.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

PROBERB 8:32

“Te mynta, ko samla, shahshkor ïa nga. Leh kumba nga ong, bad phin long suk.

PROBERB 8:5

Hato phi dang long kiba lung jingmut? Hikai ban long kiba rangbah jingmut. Hato phi long kiba dang bieit? Hikai ban long kiba shemphang.

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

TITOS 2:6

Kumjuh ruh ïa ki shynrang ba dang kham samla to kyntu jur ïa ki ban synshar bha ïa lade.