PROBERB 1:32 - Khasi CL Bible (BSI)

³² Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

KA BAIBL

³² Naba ka jingkylla dien jong kiba bieit kan pynïap ïa ki, bad ka jingmanbha jong kiba bieit runar kan pynjot noh ïa ki.

PROBERB 1:32 ပူးပေါင်းရင်းမြစ်များ

SALM 69:22

Ai ba ki jingkhawai bah jong ki kin long ka jingpynjot ïa ki; ai ba ki jingkhawai bakyntang jong ki kin long ka jingkyllon jong ki.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 10:21

Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 2:18

Lada phi leit sha ka ïing jong ka, phi ïaid ha ka lynti sha ka jingïap. Ban leit shata ka long ban tur sha ka pyrthei kiba ïap.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

PROBERB 8:5

Hato phi dang long kiba lung jingmut? Hikai ban long kiba rangbah jingmut. Hato phi long kiba dang bieit? Hikai ban long kiba shemphang.

PROBERB 9:18

Kito kiba ngat ha ka jingriam jong ka kim tip ba ki briew kiba leit ha ïing jong ka ki ïap, bad kito kiba la rung mynshuwa ki don mynta ha kaba jylliew bha ka pyrthei kiba ïap.

ISAÏAH 66:4

Kumta ngan wallam jingjot halor jong ki — Ïa kita kiei kiei kiba ki sheptieng — namar ym don uwei ruh uba jubab haba nga khot lane shahshkor haba nga kren. Ki jied ban ïaleh pyrshah ïa nga bad leh ïa kaba sniew.”

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

DEUTERONOMI 28:17

“U Trai un tim ïa u kew jong phi bad ïa ki jingbam ba phi khreh da u.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 12:8

Lada ïa phi ym shym la pynshitom, kumba shah ki khun jong u baroh, ka mut ba phim dei ki khun bashisha jong u, hynrei ki khun khlem kpa.

JAKOB 5:5

Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.