PROBERB 1:31 - Khasi CL Bible (BSI)

³¹ Namar kata, phin ïoh ïa kaba phi pan kwah, bad ki kam jong phi hi kin pynshitom ïa phi.

KA BAIBL

³¹ namar kata, kin ïoh bam ïa u soh la ka jong ka lynti, bad yn pynkdang ïa ki da la ki jong ki buit.

PROBERB 1:31 ပူးပေါင်းရင်းမြစ်များ

Ka Kitab U Job 4:8

Nga la ïohi ïa ki briew ba ki lur ïa ki lyngkha jong ka jingsniew bad ki bet ïa ka jingbymman kum u symbai; mynta ki ot da ka jingbymman bad ka jingsniew.

SALM 81:13

Katno nga kwah ba ki briew jong nga kin shahshkor ïa nga; A katno nga kwah ba kin kohnguh ïa nga!

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 13:2

Ki briew kiba bha kin ïoh bainong na ka bynta kaei kaba ki ong, hynrei kito kiba shukor ki thrang tang ban leh jubor.

PROBERB 14:14

Ki briew kiba sniew kin ïoh ïa kaei kaba ki dei ban ïoh. Ki briew kiba bha kin ïoh bainong na ka bynta ki kam jong ki.

PROBERB 22:8

Lada phi bet ïa ki symbai ka jingbymhok, ka jingpynjot kan mih, bad ka jingbanbeiñ jong phi ïa kiwei kan kut noh.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

PROBERB 5:23

U ïap namar ba um lah synshar ïa lade; ka jingïailong mutlop jong u kan ïalam ïa u sha ka jingtep jong u hi.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

ISAÏAH 66:4

Kumta ngan wallam jingjot halor jong ki — Ïa kita kiei kiei kiba ki sheptieng — namar ym don uwei ruh uba jubab haba nga khot lane shahshkor haba nga kren. Ki jied ban ïaleh pyrshah ïa nga bad leh ïa kaba sniew.”

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

ESEKIEL 22:31

Te ngan theh ïa ka jingbitar jong nga ha ki, bad kum ka ding ngan pynjot ïa ki na ka bynta kaei kaba ki la leh.” U Trai Nongsynshar u la ong.