PROBERB 1:30 - Khasi CL Bible (BSI)

³⁰ Phim ju kwah ïa ka jingai jingmut lem jong nga lane shahshkor haba nga pynbeit ïa phi.

KA BAIBL

³⁰ ba kim mon satia ïa ka jingpyrkhat jong nga; ba ki la ñiewbeiñ ïa ka jingsneng jong nga baroh;

PROBERB 1:30 ပူးပေါင်းရင်းမြစ်များ

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

SALM 119:111

Ki hukum jong me ki long ka jingïohkynti jong nga bymjukut, ki long ka jingkmen jong ka dohnud jong nga.

SALM 119:173

To long borabor uba la kloi ban ïarap ïa nga, namar nga bud ïa ki hukum jong me.

SALM 81:11

“Hynrei ki briew jong nga kim shym la sngap ïa nga; Ki Israel kim shym la kohnguh ïa nga.

PROBERB 1:25

Phi la ñiewbeiñ ïa ka jingai jingmut jong nga baroh, bad phim mon ba ngan pynbeit ïa phi.

PROBERB 5:12

“Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

JEREMAÏAH 36:23

Mar shu dep pule da u Jehudi ïa ki lai ne saw bynta, u syiem u la ot ïa ki da ka tari barit bad bret ïa ki ha ka ding. U ïai leh ïa kane haduh ba la thang lut ïa ka kot kli baroh kawei.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?