PROBERB 1:28 - Khasi CL Bible (BSI)

²⁸ Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

KA BAIBL

²⁸ Hangta kin khot kyrpad ha nga, hynrei, ngan ym phai ktien; kin wad biang biang ïa nga, hynrei, kin ym shem ïa nga:

PROBERB 1:28 ပူးပေါင်းရင်းမြစ်များ

JENESIS 6:3

Nangta U Trai u ong, “Ngan ym shah ïa ki briew ban im junom, ki long kiba dei ban ïap. Nangne sha khmat kin im ym palat ïa ka shispah arphew snem.”

Ka Kitab U Job 27:9

Haba ka jingeh ka wan, hato U Blei un ïohsngew ïa ki jingïam jong ki?

Ka Kitab U Job 35:12

Ki pyrta ban ïoh jingïarap, hynrei U Blei um jubab, naba ki long kiba sarong bad ba-bymman.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

SALM 18:42

Nga khñiot ïa ki, ba kumta kin long kum u pui pui uba la rong noh da ka lyer. Nga ïuh halor jong ki kum ïa ka ktieh ha ki lynti.

SALM 66:18

Lada ngam shym la suidñiew ïa ki pop jong nga, U Trai un ym jin da la shahshkor ïa nga.

PROBERB 15:29

Haba ki briew kiba bha ki duwai, U Trai u shahshkor, hynrei u long jngai ïa kito kiba leh sniew.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

JINGRWAI SOLOMON 5:6

Nga la plie ïa ka jingkhang na ka bynta uba ieit jong nga, hynrei u la leit noh. A katno nga la kwah ban ïohsngew ïa ka sur jong u! Nga la wad ïa u, hynrei ngam shym shem ïa u; nga la pyrta ïa u, hynrei ngam shym ïohsngew kano kano ka jubab.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

HOSIA 5:6

Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

AMOS 8:12

Ki briew kin ïaid sakma na ka Duriaw Baïap sha ka Mediterranian bad nangta shuh shuh na shatei shaduh mihngi. Kin ïakhmih kylleng kylleng ïa ka khubor na U Trai, hynrei kin ym shem ïa ka.

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

DEUTERONOMI 1:45

Kumta phi la lynñiar ha U Trai ba un ïarap ïa phi, hynrei um shym sngap ne shahshkor ïa phi.

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.

1 SAMUEL 8:18

Ynda poi kata ka por, phin sa lynñiar kthang namar u Syiem jong phi, uba phi hi da lade phi la jied, hynrei U Trai un ym sngap ïa ki jingud jong phi.”