PROBERB 1:11 - Khasi CL Bible (BSI)

¹¹ Tharai lada ki ong, “Ale ngin leit apthap ïano ïano ban ïoh pynïap! Ïa ngin leit tur ïaleh ïa ki briew kiba lui lui tang ban shu ïoh leh dusmon!

KA BAIBL

¹¹ Lada ki ong, “Ale bad ngi, to ngin ïathap ban ïoh snam, to ngin ïa-ap ïa uba lui lui khlem daw;

PROBERB 1:11 ပူးပေါင်းရင်းမြစ်များ

SALM 17:12

Ki long kum ki sing, ki da apthap ïa nga, ki da kwah ban patar lyngkhot lyngkhai ïa nga.

SALM 35:7

Naba khlem daw ki pynap ka jingriam ïa nga, bad ki tih ka 'liewlep ba ngan liat ha ka.

SALM 56:6

Ki ïalumlang ha ki jakarieh bad ki peit-thuh ïa kiei kiei baroh kiba nga leh, da kaba kyrmen ban pynïap ïa nga.

PROBERB 1:16

Kim lah ap ban leh ïa kaei kaei kaba sniew. Ki long borabor kiba kloi ban pynïap.

PROBERB 1:18

hynrei ki briew kiba kum kita ki riam ïa lade hi, ka jingriam ka ban pynïap ïa ki hi.

PROBERB 12:6

Ki ktien jong ki bymman ki long kum ban pynïap, hynrei ki ktien jong kiba hok ki pyllait im ïa kito kiba shah byrngem.

PROBERB 24:15

Wat long kum ki riewsniew kiba thmu ban lute ïa u briew uba hok ne ban knieh noh ïa ka ïing jong u.

PROBERB 29:24

U para nongtuh u long u nongshun uba sniew tam jong u hi. Un shah pynshitom lada u ïathuh ïa ka jingshisha ha ka ïingbishar, U Blei un tim ïa u lada um leh kumta.

PROBERB 30:14

Don ki briew kiba shim kabu-runar ïa kiba duk bad kiba kyrduh; kata ka long ka rukom ba ki kyrshan ïa la ka jingim.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

KI KAM 23:15

Mynta te, ma phi bad ka Dorbar to phah ktien sha u rangbah ai hukum ka kynhun shipai Rom ban wallam ïa u Paul sha phi, da kaba leh mynleh ba phi kwah ban ïoh ka jingtip kaba thikna shaphang jong u. Hynrei ngin long kiba la khreh ban pynïap ïa u ha shuwa ba un poi hangne.”

KI KAM 25:3

Ki la kyrpad ïa u Phestos ban leh ei ei na ka bynta jong ki da kaba wallam ïa u Paul sha Jerusalem, naba ki la lah pynlong ka jingïasylla ban pynïap ïa u ha lynti.