PHILIPPI 4:9 - Khasi CL Bible (BSI)

⁹ Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

KA BAIBL

⁹ Ïa kiei kiei kiba phi la nang bad phi la pdiang, bad phi la ïohsngew bad phi la ïohi ha nga, to phin leh ïa kine; te U Blei ka jingsuk un sa long lem bad phi.

PHILIPPI 4:9 ပူးပေါင်းရင်းမြစ်များ

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

LOUKAS 8:21

U Jisu u la ong ha ki baroh, “Ka kmie bad ki para shynrang jong nga ki long kito kiba ïohsngew ïa ka ktien U Blei bad kiba kohnguh ïa ka.”

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

ÏOANNIS 2:5

Ka kmie jong U Jisu te ka la ong ïa ki shakri, “To leh kat kaba u ong ïa phi.”

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

Ka Shithi U Paul Sha Ki Nong Rom 15:33

To U Blei, uba long ka tyllong jong ka jingsuk jong ngi, un long ryngkat bad phi baroh. Amen.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

1 KORINTH 4:16

Nga kyrpad ïa phi, namarkata, ba phin pyrthuh bud ïa nga.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

PHILIPPI 3:17

To ïai pyrthuh bud ïa nga, ko ki parabangeit jong nga. To pynleit jingmut ïa kito kiba bud ïa ka nuksa kaba dei kaba ngi la buh na ka bynta jong phi.

PHILIPPI 4:7

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.

1 THESSALONI 1:6

Phi la pyrthuh bud ïa ngi bad ïa U Trai; wat la phi la shahshitom shikatdei eh, phi la pdiang ïa ka khubor da ka jingkmen kaba wan na U Mynsiem Bakhuid.

1 THESSALONI 2:14

Ko parabangeit jong ngi, kijuh kiei kiei kiba la jia ha phi ki la jia ha ki balang jong U Blei ha Judia, ha ki briew hangta kiba long ki jong U Khrist Jisu. Phi la shah ïa kijuh ki jingpynshitom beiñ na ki briew ki para ri jong phi hi kiba ki la shahshitom na ki Jiw,

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

2 THESSALONI 3:4

Bad U Trai u la ai ha ngi ka jingsngewskhem ha phi, bad ngi thikna ba phi leh bad phin ïai leh ïa kaei kaba ngi ong ïa phi.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.