PHILIPPI 4:5 - Khasi CL Bible (BSI)

⁵ To pynpaw ïa ka jinglong jemnud sha uwei pa uwei baroh. U Trai u la jan wan.

KA BAIBL

⁵ To ai ba ka jingïaishah jong phi kan paw ha ki briew baroh. U Trai u la jan.

PHILIPPI 4:5 ပူးပေါင်းရင်းမြစ်များ

MATHAÏOS 6:25

“Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

MATHAÏOS 6:34

Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

1 KORINTH 16:22

Uno uno u bym ieit ïa U Trai — to long ka jingtim ïa u! Marana tha — U Trai jong ngi, u wan!

1 KORINTH 6:7

Ka jingshisha ba phi ïadon ki jingïakajia hapoh ka aiñ hapdeng jong phi hi, ka pyn-i phi la rem nadong shadong. Hato kam kham bha ïa phi ban shah bymdei? Hato kam kham bha ba phin shah lute noh?

1 KORINTH 8:13

Te namarkata, lada ka jingbam ka pynlong ïa u parabangeit jong nga ban leh pop, ngan ym bam doh shuh, khnang ba ngan ym pynlong ïa u parabangeit jong nga ban hap ha ka pop.

1 KORINTH 9:25

Man uwei pa uwei u nongïamareh uba don ha ka jingshah hikai, u pyndem ha ka jinghikai kaba pyrkhing, khnang ba yn pynphong da ka pansngiat sla dieng ka bymneh; hynrei ma ngi pat ngi ïaleh na ka bynta kata ka ban neh junom la junom.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 THESSALONI 2:2

ban ym shah pynshaïong jingmut da kaba suk ha ka jingpyrkhat jong phi lane ban shah pynkhuslai da ka jingkam ba ka Sngi jong U Trai ka la lah wan. Lehse ka long ba la mut ba ngi la ong ïa kane katba ngi dang ïathuhlypa lane ïalap, lane ba ngi la thoh ïa ka ha ka shithi.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

HEBRU 10:25

Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

HEBRU 10:37

Naba ka Jingthoh Bakhuid ka ong, “Namar sa tang shibit eh, bad uta uba wan un wan; un ym slem shuh.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 22:7

“Shahshkor!” ong U Jisu. “Nga wan kloi! Suk kito kiba kohnguh ïa ki ktien ïathuhlypa kiba hapoh kane ka kitab!”